Shillong, Apr 22: Meghalaya a•dokni adhoc skulrango skigiparangni dormahako bariatchina dabienggipani bidingo sorkari niengkua aro skigiparangni dabiani gita maikobade ong•katatna ka•dongenga ine Sukrobar salo, Education department-ni Commissioner & Secretary BDR Tiwari parakataha.
“Skigiparangni dormahako bariatani bidingo aro adhoc skigiparangko deficit-ni gadangona ra•doatani giminde anga mamingkoba aganna man•kujawa indiba chinga kamrangko ta•rakatgen,” ine Tiwari aganaha.
Indake ong•engon, skigiparangni dabianiko Education department nichanggalenga ong•ja indiba chu•sokatna jotton ka•enga ine School Education & Literacy-ni Director Ambrose Marak parakatskaaha.
Marak-ni parakatani gitade, skigiparangni dormahako bariatna gita nangenggipa korosrangko hisapenba uamang department-na on•manaha aro iako bakan planning aro finance department-ona watatna jotton ka•enga.
