Shillong, March 8: Meghalaya sorkari, a•dokni dingtang dingtang biaprango ge 20 futsal court-rangko chadamberangko chanchie ra•bana miksonganio aro iako a•bachengatna gita uamang tangka gong crore 700-ko chamataha, ine Lower Mawprem-ni Madan Snong kal•chakram biapo Futsal Court-ko rikna pangchakani ro•ongko songe on•mitingo, a•dokni skotong minister Conrad K Sangma aganangaha.
Ia pangchakani ro•ongko songani somoio, Sports and Youth Affairs Minister, Shakliar Warjri aro Tourism Minister, Paul Lyngdoh ma·angba bakko ra•angpaaha.
Tom•anio jinmana aganengon, Skotong Minister Conrad K Sangma, da•o rikenggipa sorkari chadamberangko mikkang nie kalsusaanirangko ra•dona gisikko on•bate kamrangko ka•enga aro ka•angkugen ine aganangaha.
“Battanggimin bilsirango chinga gong crore 700 mangni dingtang dingtang kalchakram biaprangko rikna chamatmanaha indake ge 300 kalchakram biaprangko da•oba tarikuenga jeoni ge 122 kalchakram biaprangkode re•anggipa bilsi 3 ni gisepo matchotatna man•aha,” ine skotong minister aganangkuaha.
Uasan ong·aigija, ua chadamberangna bangbate cholrangko on•a dingtang dingtang programrangko ong•atenga, jekai : Skills Meghalaya, YESS Meghalaya, PRIME, CM elevate-rang ong•a.
Indake, Mawkhanu Sports Complex jenan tangka gong crore 350- rangko chamatmanahachim, ian a•dokni kalsusagiparangna nambata cholko on•ani ong·gnok aro ia kalchakram biapko rika matchotahaode je dakgipa a•songni ba gipin as•songni kalsusaanirangkoba nokchakna gita man•aignok ine skotong minister jinmana parakataha.
Star Program Talent Scouting-ni gita re•baenggipa 6gipa Meghalaya Games jekon Jowai-o ong•atna siengachim aro gipin National Games-rango bakko ra•atna gita kalna sapgipa manderangko mikkangchi sandianiko dake uamangna skidape on•nirangkoba dakanggen ine skotong minister u•iatangaha.
Na·simang iakoba poraie nina man·gen: Garo Hillso skanggipa changna Homestay Expo-ko Turao ong·ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
