Shillong, July 2 : Hoolock gibbons ba hurorangko uamangni dongram biaponiko apjitatani bidingo jegalanirangko dakenba so•so jengjeng ong•engon, a•dok sorkarini gita iani bidingo maming tik ka•ani dongkuja inenba Skotong Minister Conrad K Sangma, sombar salo parakataha.
“A•dok sorkarini gita hurorangko uamangni dongramoniko apjitatani bidingo maming tik ka•ani dongkuja. Central Zoo Authority (CZA), uamangni matburingrangko donchakram biapona rimangna ine katta sokbaomangba, uamangko apjitatna amenga ingipa kattara kakket ong•jasa,” inenba Sangma parakataha.
Garo Hills-ni ning•o donggipa Tura-oni km 35 mangni chelao donggipa Silsotchigre-oniko ia hurorangko Ri-Bhoi a•jani State Zoo-ona apjitatna am•ani bidingo matburingrangni namgnina kamko ka’giparangni rak•e jegalaniko nikna gita man•aha.
Iani bidingo jegalaniko dakanio, French a•songoni mande saksa aro Sonja Wildlife Rescue Centre-ko bikotdilgipa Florian Magne mikkango donge dilaniko dakenba, ia hurorangko state zoo ba matburingrangko donram biapona ra•angode sitelaona sokatgen ine a•kangenba aganangaha. Magne-ni miksonganide uan hurorangko buringona watatpilanin ong•a, gipinrangni aganani gitade iani bidingo namen dal•bee jera ra•grikani ong•enga.
A•dokni authority-rangni aganani gitade, ia hurorangko noko jilgipa matburingrang gitan naljokatahani gimin aro mandeni jakchi simsak nirokaniko man•ahani gimin, uamangko buringona watatpilode kenchakani ong•an baksana, uamangara buringo janggi tangna gita man•genma ine singdoanirangko nakatata.
Indake ong•engon, rescue centre-ko CZA-ni ra•chakgimin ong•jani gimin uamangni niamko jarikaniba ong•ja, indiba State Zoo-de technicaly ra•chakgimin aro u•igimin ong•a ineba authority-ni gita agandakangkuaha.
Iani gisepon, ia pilak neng•grikani aro so•so jengjeng ong•anirangko, a•dok sorkarini gita maming tik ka•anirang dongkuja, CZA-sa ra•angna ine agananikosa dakaimiting ine Sangma-ni agananichi tom•tom ong•atna gita man•aha.
Na·simang ia video-koba nina man·gen:
Na·simang iakoba poraina man·gen: Tura-ni nitogipa Gandrak Dare-ko chipata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
