Shillong, Jan 21: Meghalaya a•dokko nambate chalaina man•a gita Constitution baksa Advance Technology-ko nangrimate sorkari kam ka•angna tik ka•angaha.
Iani bidingo, January 19 tarikoni 21 tarikona Patna, Bihar-o All India Presiding Officers Conference-ko ong•atani somoio tik ka•angaha.
Ia conference-ko Lok Sabha Speaker, Om Birla aro Rajya Sabha Deputy Chairman, Harivansh, a•songni Constitution-ko ra•gatani bilsi 75 gapaniko maniani somoio oprake on•angaha aro ia tom•anio, mikkangchina niksamsoanirangko aro a•songko songdong a•chaenggipa manderangni jakchi sason ka•ani dingtang dingtang cholrangni gimin chanchirimaniko dakangaha.
Meghalaya a•dokoni delegate ong•e bak ra•anggipa, Deputy Speaker Timothy D Shira aro Commissioner & Secretary Dr. Andrew Simons, ia digital-ni chasongo songdongenggipa manderangni jakgitele an•tangtang jakchi sason ka•aniko mangrakbatatna on•kanganiko mesokangaha.
A•songni Constitution-ko ra•gatani bilsi 75 gapani bidingo janapengon, Parliament aro State Legislative dolrang-ni on•gilanichi ia Constitution-ni gamchataniko mangrakbatatna man•enga ine janapatan baksa, 2023 bilsio me•chik dolrangna reservation-ko ra•gatan baksa ming 106 niamrangko ra•gataianiara, songsalni namgnina aro songdongenggipa manderangni jakgitele an•tangtang bilchi jakchi a•songko sason ka•na on•kanganio tang•doaniko mesokani ong•enga ine Deputy Speaker Timothy D Shira aganaha.
Indake, Constitution-o ra•gatgimin niamrangni gamchataniko chel•chaksona nangchongmotenga, mongsongbate Right to Information Act aro SC/ST Prevention of Atrocities Act-ko chel•chake rakkina nangchongatani gimin janapatan baksa, ia chasongo chagrongna nangenggipa neng•nikanirangko, climate-ni dingtang ong•enganiko aro digital right-ko, jinma nangrime mikkangchakna nangenga ineba ua janapataha.
Digital transformation chong•motan, a•dokko sason ka•anio digital-ko ba advance technology-ko jakkale Meghalaya a•doko ddingtanganiko ra•baani gimin janapatan baksa, 2022 bilsio National e-Vidhan Application (NeVA)-ko ra•gatani gimin Dr. Andrew Simons talate on•angaha.
Una agreba, “One Nation, One App”-ni ning•o Digital Sansad App-ko India a•songo ra•gatna mikaongengani bidingo aro Assembly TV Channel chong•motan, parliament-o tom•e chanchirimaniko live-stream ka•nasienggipa channel-ni bidingoba ua jinmana agan talate on•angaha.
Na·simang ia video-koba nina man·gen:
Na·simang iakoba poraina man·gen: Chang 53-gipa Meghalaya Statehood Day-ko Tura-o mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
