Shillong, Jan 30: BJP MLA Sanbor Shullai-ni dilanichi, State President Rikman G. Momin, State Vice President Bernard Marak aro gipinrangni dongpaanio, Union Defense Minister Rajnath Singh ji-ko January 28 tariko grongaha aro Shillong songjinmani gisepo Defense Ministry-ni ning•o ga•akenggipa a•ani bidingo chanchirimaniko dakangaha.
Mongsonggipa ramarang jekai, Lady Keane Road-oni Police Bazar-ona re•gipa rama, Shillong Peak Road, Umpling Bridge Road-oni Chief Engineer Office-ona re•gipa rama aro Anjali Cinema Hall sepango donggipa footpath, iarang pilakan Defense Ministry-ni ning•o ga•akgipa biaprang ong•a.
MLA Shullai, ia ramarango name guare kae ba pakmarangko tarie jinmana gari gora re•rurana jakkalgenchimode, gari re•ruraanio apchangketaniko komiatna man•genchim ine aganaha.
Unbaksana, Umsohsun-oni Rhino junction-ona re•enggipa ramakoba gari donchakna jakkalgenchimode, Khyndailad sepangjolo rama soroko apchangketaniko komiatna man•genchim ine janapatan baksa, Anjali Cantonment Beat House sepango donggipa a•akoba gari park ka•na aro ua jolni rama a•samo pale sim•e cha•enggipa dolrangna biapko jakkalna man•gen ineba janapataha.
Indake ia a•arangko Defense Ministry-ni dongimin niamo gita a•ani bhara-ko game jakkalna man•gen ine janapengon, Hon’ble Union Defense Minister iani bidingo nirokatna ku•rachakataha ineba Shullai parakataha.
Indake, Defense authority-rangni Rhino Point sepango guare kadule on•a ku•rachakangahani gimin BJP-ni dilgiparang mitelpilskaaniko dakangaha.
Ia a•ani bidingo tom•bimonganiko ong•ate state level committee-ko a•dok sorkari songe on•china mol•molna gita Skotong Minister-ko gronganggen ineba uamang janapataha.
Na·simang ia video-koba nina man·gen:
Na·simang iakoba poraina man·gen: Dhubri-o badingsrukgipa sak 2-ko pekatgipa bosturang baksa rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
