Shillong, Apr 8: Meghalaya a•dokni damgittam koela a•kolrango scientific mining ba niamo pangchake koela bikotaniko a•bachengna man•ani ja•man da•o gipin dam 11 koela a•kolrangoba scientific mining-ko man•na siengaha ine Mongolbar salo, Meghalaya a•dokni Chief Minister Conrad K Sangma parakataha.
Niamo pangchake koela bikotna cholko man•gipa damgittam koela a•kolrangode koelarangko bikotna a•bachengengaha ine janapatengon, koelarangko salaniosa adita neng•nikanirangko man•na nangkuenga ine Sangma aganaha.
Chief Minister-ni parakatani gitade, niamo pangchake koela bikotenggipa damgittam koela a•kolrangko Coal ministry-oniba re•bae niangaha aro kamrangko nike uamangba chu•ongnikaniko parakaha.
Niamo pangchake koelarangko bikotna badita dam koela a•kolrangna dorgastorangko galaha ine sing•anina aganchakaniko on•angskaengon, badita dam koela a•kolrangna dorgastorangko galaha ukode da•o dipet tale ma•sikuja indiba dam 11 koela a•kolrango niamo pangchake koelarangko bikotna gita jasa ba jagnini gisepon permission-ko man•na siengaha ine Chief Minister parakataha.
Na·simang ia video-koba nina man·gen:
Na·simang iakoba poraina man·gen: M’laya-ni skanggipa Digital Lottery-ko chalaianio ainni gita neng•nikarangko man•enga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
