Shillong, Oct 23: October 23 tarik sukrobal salo National People’s Youth Front (NPYF) batanggimin somoirango Ichamati aro Bholaganj jolo non-tribal-ko ua jolni manderangni kragija sinjetani mamla-ko golpona sakgittam manderangni a•dokni Governor Pa Satya Palko grongeaniko jegale aganaha.
Shillongo kobor ra’timgiparangna iarangni bidingo aganengon, ua sakgittam manderangni governor-ko gronge mamla-ko su’dona jotton ka’aniara kakketani dongja aro mamingoba pangchakani gri indiba tol’e jangbingbangaianisan ong’aia unigimin ua jolni manderang torom, jat baseani gri nangrime dongna nanga ineba NPYF national Working president Pa Nickey Nongkhlaw aganaha.
Meghalaya-ni gitcham governorvpa Tathagata Roy-ni social media seatgipara Ichamati-o a’sel ong’aniko wa’al so’doata gita ong’a ineba jegale NPYF dol aganangaha.
All Mahila Congress Committee-ni President Ma Sushmita Dev-ni maming sakki gri, pangchakani gri a’selrangko tol’e banainina rakbeen jegale aganchakanikoba on’angaha.
A’dokni mamla-rango a’paloni jak dongpaa dakanira re’baenggipa bilsio Assam aro West Bengalo lekka puonsusaanina tamasa daksoenggipasa ineba Pa Nongkhlaw agandapaha.
Ia obostarangkp adita salrangna skangan a’dokni skotong minister Pa Conrad K Sangma, pilak a’dokni aro uni a’palo donggipa dolrangko okame sorkari agangrike namatgrikaniko dakgen ineba aganman’ahachim.
