Shillong, July 18: Hynniewtrep Youth Council (HYC) dol, a•doko Inner Line Permit (ILP) aro Meghalaya Residents Safety and Security Act (MRSSA)-ko bakan ra•gatchina ma•mong aro a•dok sorkariko mol•molangna ku•rachakangaha.
Council-ni bilsi 10 gapaniko maniani somoio, a•dokona gipin biaprangoni napbagiparangko champengsona gita ILP aro MRSSA-ko a•doko ra•gatna nangchongmotenga, jekon batanggimin somoirangonin ra•gatchina dabianikoba dakbaengahachim. Ia dabianirangko sorkarini gita chu•sokatjaenganiara aro a•dokona gipin biaponi napbaenganiko champengsona man•jaenganiara chadamberangni gisepo ka•o nangani aro uamangni gisikko ding•chaoatanisan ong•enga ine HYC-ni president Roykupar Synrem aganaha.
Indake, HYC dol, a•doko ILP-ko ta•raken ra•gatchina aro a•dokona gipin biaponi napbagiparangko salanti nirokna Meghalaya Residents Safety and Security (Amendment) Bill, 2020-koba ra•gate on•china ma•mong sorkari baksa chanchirimchina gita a•dok sorkariko didianggen ineba ua janapataha.
A•dokona gipin biaponi napbagiparangko salanti sandianiko dakjaengani a•sel a•doko songdongkamgipa manderangna nangchakeako man•engani gimin, songdongkamgipa manderangni janggi tangani gadangrangko chel•chaksona gita, niam reti aro policy-rangko a•doko ra•gatchina ua dabiataha.
Unbaksana, Constitution of India-ni Eighth Schedule-o Khasi ku•sikko chapatna ta•rake kam ka•china ma•mongko didichina gitaba a•dok sorkariko HYC dabiangaha.
Una agreba, drugs ba pekatgipa bosturangchi songjinmani chadamberangkosan ong•aigija songadam nokadamrangni chadamberangkoba nosto ka•engani gimin a•doko drugs jakkalaniko bon•atnaba uamang kam ka•gen ine HYC-ni president aganaha.
Drugs badinggiparangko aro jakkalgiparangko rim•achi mangmang a•doko drugs-ko bon•atna man•jawa, uni gimin chadamberangko sanna bannaniko on•a aro gitalgipa bijakrangko ong•katatna man•a gita rehabilitation centre-rangko a•ja damantio songe on•china. Uasan ong•aigija, a•dokona drugs ra•napbaenganiko salantio sandina nanga aro drugs badinggiparangna rakgipa sastirangko on•a tik ka•na nanga ineba Synrem dabiangaha.
Ia manianio, Khasi-Jaintia Hills a•ja gimikoni a•dokna mikkim rasongko ra•bagipa chatro chatrirang baksana Padmashree Award-ko man•gipa Silbi Passah-ko mande ra•e mitelpilskaaniko ba HYC dakangaha
Na·simang ia video-koba nina man·gen:
Na·simang iakoba poraina man·gen:Tirot Sing Syiem Museum aro Cultural Centre-ko Nongkhlaw-o nokdonggaa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
