Shillong, Aug 12: Sianggipa HNLC bobil dolni gitcham dilgipa Cheristerfield Thangkhiew-ko gisik ra•e program-ko ong•atengon, a•doko so•sojengjeng ong•ataniko ra•bajachina gita Sukrobar salo, Meghalaya a•dokni Dakchakgipa Skotong Minister Prestone Tynsong, ‘Sur ka Bri U Hynniewtrep’ dolko mol•molataha.
HNLC bobil dolni gitcham dilgipa Cheristerfield Thangkhiew-ko re•anggipa bilsio Mawlai-Kynton Massar-o donggipa uni noko police-rang goe so•otahachim aro iani bidingo sorkari, judicial inquiry-ko dakenba, ia inquiry-ni report-ko re•baenggipa jao Assembly-ni session-ona ra•angna miksongengachim.
Indake ong•engon, Thangkhiew-ni siani skanggipa bilsiko gisik ra•ani bak gita August-ni 13 tariko, a•songni nisanrangni pal, nisan gisimko songskachina gita ia ‘Sur ka Bri U Hynniewtrep’ dol, Mawlai-o songdongenggipa manderangko didiengachim.
Cheristerfield sagiko gisik ra•na gita program-rangko ong•atengon, maming so•sojengjeng ong•atani gri tom•tome ong•atskachina a•dokni Dakchakgipa Skotong Minister, ‘Sur ka Bri U Hynniewtrep’ dolko mol•molatskaaha.
