Shillong, August 25: Khasi-Jaintia Hills jolrango aiao inmanpile Voice of People’s Party (VPP) dolrangni bariroroengani a•sel, a•dokni gitchambatsranggipa political party-rangoni dolsa United Democratic Party (UDP) dol jajrengsona nangao ga•akenga.
Khasi-Jaintia Hills-oni sak 12 legislator-rang donggipa, UDP dol, changgipin assembly election-na susaanio gipin political party-rangming susaana bate VVP baksaan politics-o tangbangna susaani gita ong•gnok.
VPP aro UDP dolgnian, Garo Hills jolrango da•o dipet darangniba chakpaani dongkujani gimin ia dolgnian Khasi-Jaintia Hills-ni dam 36 seat-rang aro Garo Hills-ni dam 24 seat-rangko man•a raken susagrikaniko dakna gita nanggen.
Indake, UDP-ni dilgipa aro gitcham Home Minister Lakhmen Rymbui ia antini a•bachengo media-na, uamangni mongsongbatgipa neng•nikanide, Garo Hills-o maikai UDP ma•chakna gita man•gen, jean dal•batgipa regional party ge•saba ong•achim, ine aganangaha.
UDP da•o dipet Khasi-Jaintia jolrangosan mongsongbate gisiko on•batenga ine ra•chake aganangenchimoba, VPP-na chakgiparang bangrorobaengani gisepon uamang indake dongchana man•jawa ine donmitapa gnang aganangaha.
Name nie agangiparangni janapani gitade, VVP dolni mingsing minggamani dongkama ong•ode ba banggija vote-rangchi amja ong•oba, Khasi-Jaintia Hills jolrangkode ian amgopaigen. Iani gisepon, Congress dolkoba nigalna ba gelna man•jawa, maina ia dolnaba a•dok gimiko on•kange chakpaaniko on•giparangba dongkuenga.
UDP dol, Garo Hills-ko man•chape chonchongipa gadangrangoni party-ko bilakbatatna jotton ka•gnok inenba Rymbui parakataha. UDP dol, Garo Hills-o ong•atanggipa changgni assembly election-rangon seat ge•sa mangmangkoba man•rikjaha. 2023 bilsio, UDP dol sak 10 candidate-rangko susaatahachim jeoni sak 1 candidate-ba seokako man•jaha.
Indake ong•engon, Garo Hills jolode National People’s Party (NPP) dolan bilakbatgipa ong•enga.
Gitcham Skotong Minister Dr. Mukul M Sangma, battanggimin sal somoirango Garo Hills jolo manderangko salna gita man•gipa ong•enba je doloba ua ong•bo susaanio pangnan bilsurongachim, indake ong•genchimoba, uni bilrang NPP-ni batrorobaenggipa bilrangko mojitatna gita man•jaha.
Iani gisepon, dingtang dingtang political party-rangoni MLA-rangni NPP dolona napangani gimin, Rymbui-ni gisiko jajrenganirang ong•katbaaha.
Uamang sorkariko matnanganiko dakna nangode dakaigen, maina uamang sason ka•aniko bilakbatatnasa bilo ong•enggipa sorkari baksa dongenga. Je a•selchiba a•doko namroro silroroaniko nosto ka•genchim ong•ode, uamang sorkari baksa apsan ku•monggimin dol ong•genchim ong•oba chakchike dongaijawa matnanganiko dakaigen, ineba an•tangna chelchakani gita Rymbui aganangaha.
Na·simang ia video-koba nina man·gen:
Na·simang iakoba poraina man·gen: NGH a•jani game ge•e chagiparang biterang aro masalarangko nambate tariani cholrangni bidingo skie ra•aniko dakanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
