Guwahati, Feb 28: Guwahati-o Advantage Assam 2.0 tom•bimonganiko ong•atanio, chatro chatrirang bading chiwalaniko dakdilgiparang aro mikkangchi kam ka•e cha•ani cholrangko am•sandina gita somoirangko jakkalangaha.

Karakanarangni gimin u•i ma•sigiparang aro dal•dalgipa company-rangoniko skie ra•na gita salantian bang•a chatro chatrirang iano dongpae bak ra•angaha.

Arshmita minggipa chatri saksa, da•alo bang•a bading chiwalgipa dilgiparangko grongna gita man•aha ine aganengon, an•sengbatgipa bakde uni namnikbatgipa AI-ni bidingo ki•tap segipa mandeko gronganian ong•a ine aganangaha. Una agreba, ki•tap segipa mande dingtangmancha uming baksa agan-golpogrikaniko dakenba, mikkangchi bang•bata cholrangni gimin chanchirimaniko dakna gita ta•raken gronggrikaniko dakanggen ine janapatengon, ian nambegipa chol ong•a aro manderang ia cholko name jakkalanggen ine ka•donga ineba ua u•iatangaha.

Rajkumar Payeng, ingipa chatro saksa, ian nambegipa tom•bimongani ong•a. Iano kamrangni gimin, changa sapani gimin aro dingtang dingtang organisation-rangni gimin skie ra•na gita bang•bea cholrang gnang aro ian chatro chatrirangni mikkangchi janggi tanganina dake nianirangko dakna gita nambegipa chol on•ani ong•a ineba ua aganangaha.

Assam sorkarini dakchakanichi, chatro chatrirang namen jakkaltobegipa u•i-ma•sianirang aro nangchongmotgipa manderangko grongna gita cholrangko man•enga. Ia tom•bimonganiara mikkangchi uamangni janggi tanganio namen dakchakani ong•gen ine bang•an ka•dongsoenga.

Na·simang ia video-koba nina man·gen: 

Na·simang iakoba poraina man·gen: PA Sangma Memorial Basketball Tournament-ko a•bachengata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub