Aizawl, May 14: Mizoram a•doko, African Swine Fever (ASF) ba wakni sabisi giproroani a•sel mang 635 wakrangko so•ote galna nangaha.
Re•anggipa April jaon, Mizoram-ni dam 3 a•jarango chongmotan Aizawl, Champhai aro Saitul jolrango ASF-ni giproroani koborrangko man•soaha, jeni a•selan re•anggipa jao, Aizawl-o mangmangan mang 308 wakrang siaha aro mang 195 wakrangko so•ote galna nangaha.
Prevention and Control of Infectious and Contagious Disease in Animals Act, 2009-ni niamo pangchake, ia dam 3 a•jarangni dingtang dingtang jolrangko ASF, nangchakea man•gipa biaprang ine Official parakataha.
Mizoram a•doko ASF ba wakni sabisi giproroani a•sel, 2021 aro 2023 bilsirango komibeoba mang hajal 47,269 wak aro wak bi•sarang sian baksana ua somoio mang hajal 25,182 mangni gita wakrang so•otako man•aha.
2021 bilsio Mizoram-o skanggipa changna, African Swine Fever nangchakeaniko man•chengaha, aro ua somoionin bilsianti gitan dingkarin somoi sokjoko ASF ba wakni sabisini nangchakeani koborrangko man•sorongenga.
Na·simang ia video-koba nina man·gen:
Na·simang iakoba poraina man·gen: Bangladesh bobil dolni sakgni manderangko Guwahati-o rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
