Agartala, Jan 3: Chang 43-gipa Agartala Book Fair-ko ong•atenganio ia chang Bangladesh a•songo so•sojengjeng ong•engani gimin Bangladesh a•songni ki•tap chapa ka•gipa aro badinggiparang bak ra•etokjaha.
Ia sal 13-na ong•atenggipa Agartala Book Fair-ko January-ni 2 tariko, Tripura a•dokni Chief Minister Manik Saha, a•bachengate on•angahachim aro bilsiantian ia Book Fair-o Bangladesh a•songni ki•tap chapa ka•gipa aro badinggiparang bak ra•genchimoba ia changode Bangladesh a•songo so•sojengjeng ong•engani gimin bak ra•etokjaha.
Re•anggipa bilsio Bangladesh a•songni Sheikh Hasina-chi dilenggipa Awami League sorkari be•gruani ja•man Bangladesh a•songo so•sojengjeng ong•anirangko nikna man•enga aro uandaken ia Agartala Book Fair-o Bangladesh a•songni ki•tap chapa ka•gipa aro badinggiparang bak ra•etokjaha.
“Agartala Book Fair-ko 1981 bilsio a•bachengataonin Bangladesh a•songni ki•tap chapa ka•giparangko ia Book Fair-ona rimchaksorongachim indiba ia bilsio skanggipa changna Bangladesh a•songni ki•tap kingsakoba man•jaenga,” ine Agartala-o songdongenggipa mande saksa aganaha.
Ia Agartala Book Fair-ona Kolkata, Guwahati, Delhi aro uandakgipa biaprangoni ki•tap chapa ka•giparang re•bae bakko ra•enga indiba Bangladesh a•songo so•sojengjeng ong•engani gimin Bangladesh a•songni ki•tap chapa ka•giparang, Agartala-ona re•bana siktokjaha ine ki•tap chapa ka•giparangoni saksa Debananda Dam aganaha.
Na·simang ia video-koba nina man·gen:
Na·simang iakoba poraina man·gen: Assam-Meghalaya sima ari jolo donggipa Umshek songo Songkristan-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
