Agartala, Dec 2: Bangladesh a•songo dongenggipa adita Hindu-rangni kosako ka•saninggija chadrapengani gisepo so•sojengjeng ong•engon, Agartala-o donggipa ILS Hospital-o, Bangladesh a•songoni sanna bannaniko ra•na re•bagipa manderangna sanna bannaniko on•a jechakataha.

Indake, Sonibar salni bako ia hospital mikkango adita chadamberangni lekka pal•takrangko ra•e aro a•songni nisanko de•e Bangladesh-ni manderangna sanna bannaniko on•jachina jingjengata ja•man, uamangna sanna bannaniko on•jawa ine tik ka•aha.

Bangladesh a•songo, India a•songni nisanko mande ra•jachina uamangni dedrangna uamang skironggipa ong•a, indake ong•genchimoba uamangni kosako a•jak sokskaanirang dongkujagenoba da•alo iani bidingo ja•ku de•china uamang dabienga ine jingjengatenggipa dolrangoni Siddhartha Debnath aganaha.

ILS Hospital-ni Chief Operating Officer, Gautam Hazarika-ba, ua saksa India a•songo songdonggipa ong•e jingjengatenggipa dolrangna chakpaaniko on•enga aro uamangni dabianiko knachake  Bangladeshi-rangna sanna bannaniko on•enganiko dondikataha ine aganaha.

ILS Hospital, ian Bangladesh a•songni sima ari sepangjolo ong•ani gimin, bang•a Bangladeshi-rang ia hospital-o sanna bannaniko ra•na re•batokachim, indake ong•genchimoba, Bangladesh-o so•sojengjeng ong•engani gimin uamangna pilak sanna bannaniko Kolkata Healthcare Facility-ni gitaba dondikataha.

Na·simang ia video-koba nina man·gen: 

Na·simang iakoba poraina man·gen: B’desh-o donggipa Hindu-rangni kosako chadrapenganina Assam-o jingjengata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub