Mahendraganj, Mar 27: Lok Sabhani MP Agatha K Sangmako brigipa changna seoktaichina CM Conrad K Sangma manderangko mol·mole aganaha.
“Chief Minister ong·e Delhiona re·angon angni pagipani namgipa on·gilanirangni gimin angko ta·raken u·iningaha. Angni nogipa Agatha K Sangma changgittamna Tura Lok Sabhani MP ong·e Meghalayani, Northeast a·dokrangni aro Christianrangni namgnina ma·mongo kam ka·enga.” Salmanpara jolni dingtang dingtang biaprangko tom·aniko ong·atanio Conrad Sangma manderangna aganprakaha. Uni aganani gitade, Agathani kattarangko ma·mong sorkario knachakrongaha.
“Agatha K Sangmani candidate ong·aniko Prime Minister Modiba dal·e ra·aha, aro uan angni nogipako aro angni pagipako mande ra·aniko rongtalen parakaha. Anga Prime Ministerko, Home Ministerko aro BJPni dilgiparangko mittela. Agathani rake kam ka·engani giminan BJP candidateko donjaha ” ine BJP candidateko susaatjaengani giminba Conrad agankuaha.
Manderangni chakpae dakchakaniko am·engon NPPko a·doko bilakatna nanganiko ua janapaha. A·doko namroro-silroroanina NPP namen kam ka·na man·enga, aro gital gital namgnirangko sokbaatenga ine jinmana aganprakaha.
“Ia eleksinde Meghalayao tang·dororoanina mongsonggipa ong·an baksa NPP aro uko dilgiparango manderangni ka·dongchakna man·aniko mesokaniba ong·enga.”
“Meghalayao NPPni chipakkore namen bilaka aro NPPni ku·rangko Lok Sabhao knaangkuna nanga” ine aganengon, Bangladeshko nappake Mahendraganj-oni West Bengalni Heli-ona rama tariangako ua janapjolaha. via Bangladesh.
Budbar salo South West Garo Hillsni Gopinatkilla, Chapahati, Tungrurchar, Daspara aro Nandichor songrangko Conrad Sangma wenaha. Unbaksa MP Agatha K. Sangma, ma·gipa Soradini K Sangma aro MLArangni gisepo Sanjay Sangma aro Ian Botham Sangma dongpaaha.
“Manderang NPPko seoke Conrad K Sangmani dilanio ka·dongna man·aniko mesokna nanga” ine Agatha K Sangmaba aganaha. “MP ong·e anga anga parliamento na·simangni ku·rang ong·kugen aro an·chingni manderangni nanganirangna aro Meghalayani churorognina abltikugen” ine ua agandapaha.
Wenanirang ong·engon BJPona katanggipa GHADCni CEM gitcham Dipul Marakni NPPona re·bapilaniko rimchaksoah. Mahendraganjo Mohammad Abul TMConi ong·kate NPPo napskaaha.
Na·simang ia video-koba nina man·gen:
Na·simang iakoba poraina man·gen: VPP East Khasi Hills-osan bilakaia ine UDP agana
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
