Tura, April 20: Re•anggipa April-ni 18 tariko A•chik Holistic Awakening Movement (AHAM)-ni sak 71 membor-rang, kamtangtangko wate doloni ong•katgrimangani ja•man, doloni ong•katanggipa sak 71 membor-rangara ru•uta bilsirangna skang doloniko ra•gala man•gipa membor-rangsa ong•a ine AHAM-ni president George Prince Cheran Momin a•kangatskaaha.

Momin-ni parakatani gitade, doloni ong•katanggipa sak 71 membor-rangara, AHAM-ni gitcham president Champion R Sangma-ni somoio ra•gala man•gipa membor-rangsa ong•achim aro ia membor-rang, an•tangtangko media-o niksengatna gitasa AHAM CEB baksana Bolori, Aradongga aro Boko unit-rangni bimingko ra•e AHAM-oni ong•katgrima ine media-rangna parakatahachim.

Bang•bea A•chik graduate aro post graduate-rang AHAM-o napaha ine janapatskaengon, a•songna dingtanganiko ra•bana gita chadamberangan bil dongbatgiparang ong•a ine AHAM-ni president parakataha.