Guwahati, April 14: Jorhat Lok Sabha seat-na susagrikanio, mingsinggipa dolgnini dilgiparang chongmotan BJP-ni MP Topon Kumar Gogoi aro Congress dolni dilgipa Gaurav Gogoi baksa bilsubee su•sagrikaniko nikangna gita man•gen.
Iano susaenggipa dolgnini candidate-rangan Ahom jat ong•a. Jorhat constituency-ni ningo donggipa lakh 17 chugimik voter-rangoni 32.25 percent mangni gitade uan ahom jatrang ong•toka. Indake ong•engon, dolgnini candidate sakgnian ia eleksino chena gita ia manderangni vote-rangon pangchakbatenga.
Ahom jat, ian Assam-o sasonni bidingo namen u•i masigipa aro bil gnangipa ine u•itoka, aro Jorhat Lokh Sabha-o cheatanioba mongsonggipa bak ong•gen. Jorhat seat-o cheata cheatja uamangni jakon ong•a aro eleksin changantin uamang candidate-ko cheatanioba mongsonggipa ong•ronga.
“Ahom jatrango, lakh 5.5 vote-rang gnang, indake, da•o re•baenggipa eleksino namgipa biteko ra•baanio uamangan mongsonggipa ong•gen. Topon Kumar Gogoi, ian Jorhat-o da•o ong•enggipa BJP doloni MP ong•a aro Congress dolni dilgipa Gaurav Gogoi, ian Jorhat seat-na skanggipa changna susaaniko dakenga. Dolgnini candidate-rangan bilsubee voter-rangko namnikatna gita campaign-rangko ka•enga,” ine political analyst saksa Rupak Bhattacharjee aganangaha.
Gaurav Gogoi, uni constitution gitchamni sima ari-ko saltaian baksa ua sengbee Jorhat seat-na susana tik ka•aha, jeon uni pagipa battanggimin bilsirango chongmotan 1971-1977 bilsirango eleksino susagrikanio chegipa ong•angaha.
2019 bilsio, Jorhat Lok Sabha seat-na susagrikanio Topon Kumar Gogoi, chu•gimik 82,653 voterangchi congress dolni candidate Sushanta Borgohain-ko amataha, indake Kaliabor Lokh Sabha seat-na susagrikanio congress dolni candidate Gaurav Gogoi, Asom Gana Parishad (AGP) dolni candidate Moni Manab Mahanta-ko chu•gimik 2,09,994 voterangchi amchepatskaaha.
Ahom voter-rangko man•chape, Tarun Kumar Gogoi aro Gaurav Gogoi-ni gisepgriko ia Jorhat Lok Sabha seat-na susagrikaniara namen bilsuna sienga.
Na·simang ia video-koba nina man·gen:
Na·simang iakoba poraina man·gen: Tura Fancy Valley-o voters awareness program-ko ong·ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
