Shillong, Sep 21: Air Marshal Amar Preet Singh, PVSM, AVSM, Air Staff-ni gitalgipa Chief-na sorkarini seokako man•aha.
Ua Air Staff-ni Vice Chief ong•e dangdike on•engachim aro 2024 bilsini September 30 tarikoni dipet Air Chief Marshal-ni kamko jako ra•e dangdike on•angskagen. Indake da•o Air Staff-ni Chief ong•enggipa, Air Chief Marshal, Vivek Ram Chaudhari, PVSM, AVSM, VM, ADC, re•baenggipa September 30 tariko kamtangko wate on•angskagen.
Air Marshal Amar Preet Singh, 1964 bilsini October 27 tariko atchiaha aro 1984 bilsini December jao, Indian Air Force-ni Fighter pilot-na seokako man•aha. Ua bilsi 40-ni gisepo, dingtang dingtang Command, Staff, Instructional aro Foreign appointment-rango dangdike on•aha.
Ua, National Defense Academy, Defense Services Staff College aro National Defense College-o, Qualified Flying Instructor aro Experimental Test Pilot-ni kamkoba ka•baaha.
Ua uni officer ong•e kam ka•ani somoio, Operational Fighter Squadron aro air base-o mikkangchake dilbagipaba ong•achim. Ua test pilot-ni kamko ka•gipa ong•e, MiG-29 Upgrade Project Management Team-ko Russia-ni Moscow-o dilbaaha. Unbaksana, National Flight Test Centre-o Project Director (Flight Test) ong•baan baksana Light Combat Aircraft, Tejas-ko bildile nichenggipaba ong•achim. Ua South Western Air Command-o Air Defense Commander aro Eastern Air Command-o Senior Air Staff Officer-naba seokako man•aha aro unbaksana, Air Staff-ni Vice Chief ong•e kam ka•engmitingo, Central Air Command-ni Air Officer Commanding-in-Chief ong•eba dangdike on•aha.
Na·simang ia video-koba nina man·gen:
Na·simang iakoba poraina man·gen: Dibrugarh-o ong·atnasienggipa All India Sub-Junior Ranking Badminton Tournament-o sak 600 bak ra·gen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
Download our app from playstore – Northeast Media Hub
