Shillong, May 7: Air Raid ba aircraft-rangchi chadrapani somoirangona manderangko tarisamsona aro mikrakatanirangko on•na gita Budbar attamo, Meghalaya a•dokni Shillong, Jowai aro Tura songjinmarango, dingtangmancha mock exercise ba dake nianiko ong•atangaha aro ia mock exercise-ko ong•atanio siren-ko gam•atani ja•man minute-gnina bijolirangkoba kimitaha.
Re•anggipa April-ni 22 tariko, Kashmir a•dokni Pahalgam-o bobil dake chakatgipa manderangni, skatang goanio sak 26 dosgri manderang so•otako man•ani ja•man, India a•song gimikon tarisamsoe dongna gita Union Hom Affairs Ministry-ni ge•etaniko man•enba, ia mock drill-ko ong•atangaha.
Ia mock drill-ni bak gita Budbar attamni 6:30 bajio siren-ko gam•ataha aro uni ja•man joljol bijolirangkoba kimitaha.
A•dokni biap damgittamo ia mock drill-ko ong•atanio Civil Defence department baksana skulni chatro chatrirang, doctor-rang aro emergency service-o kam ka•enggipa manderang bak ra•angtokaha.
Ia mock drill-ko Meghalaya a•dokosan ong•aigija India a•songni salgro salaram jol gimikon dakangtokaha.
Na·simang ia video-koba nina man·gen:
Na·simang iakoba poraina man·gen: Ong·telaigiparangko simsake rakkina Meghalaya Community Conserved Area Forum ingipako sorkari a·bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
