Aizawl, Mar 15: Mizoramo donggipa Assam Rifles camp ko Zokhawsangona apjitataha. Ian bilsi 37 na kingking Mizoram sorkarini apjitatchina dabie senge dongani ja·man, uamangni dabianiko chu·sokatani ong·a aro iako Union minister Amit Shahni dongpaanio Zokhawsangona Sonibar salo apjitataha.
“Aizawl songjinmako dal·roro-silrorotanina kam ka·engon chu·onga gita biaprang dongja, ia songjinmako nambatatna ine miksonge aro a·dok sorkarini mesoke on·ao pangchake ia campko damgipin biapona jitatskaaha” Shah aganaha.
1988 bilsio Assam Riflesni sipairang Aizawlni ramram manderang baksa nanggrikaha aro rasong gribee ua a·sel ong·anio sak 11 ramram manderang janggitangko gimaatna nangaha, ua bilsio a·sel ong·ani ja·manon Mizoram sorkari ua campko gipin biapona apjitatchina dabiahachim, bilsi 37 ja·man da·alo ia bimang pil·aha.
Assam Rifles uamangni segrik-jotgrike ra·anio pangchake Aizawlni damgni biaprangde uamangnin ong·angkugen uarangara Khatlao donggipa 23 Sector headquarter jean 95.88 acre apalgipa biap ong·a, damgipinara Tuikhuatlango DIG ni dongchakenggipa biap ong·a jean 0.85 apalgipa biap ong·skara.
Ia biapko apjitatna 2019 bilsion Union home ministryoni ge·etgenchimoba chu·sokna man·jaha indiba da·alo ia be·en pil·na man·aha.
Ma·mong sorkari Salgro-Salaram a·dokna ka·sae aro niroke kam ka·na ku·chakgiminko chu·sokatenga.Batanggimin bilsi 10 ni gisepo Prime minister Modi chang 78 na kingking aro union minister chang 700 kingking Salgro-Salaram a·dokona songrebae uamangni sil-roro-namroroanina agangrikaha aro kamrangko ka·beaha.” Chinga India a·songko sason ka·na a·bachengaonin Salgro-Salaramko tang·doatna rakbee kam ka·enga. Bobil dolrangchi sinchepe dongako man·gipa a·dokrang dal·roro-silrorona man·jachim, da·alo Mizoram a·doko National Highway 50 (A) aro Aizawl songjinmani four-lane sorokrangna sorkari tangka gong 2500 krorko chakataha aro 164 palang gnanggipa Research centre koba man·gnok” ineba Shah agandapaha.
Na·simang ia video-koba nina man·gen:
Na·simang iakoba poraina man·gen: CAG report-o dam 250 niamgri teer number palaniko u·ina gita man·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
