Guwahati, November 05:  All Assam Students’ Union, Dr. Bhupen Hazarika-ni chang 13-gipa siani salo, Guwahati-ni Dighalipukhuripar-o mande ra•aniko dakangan baksana, AASU-ni Unitrang a•dok gimiko Dr. Bhupen Hazarika-ko gisik ra•aniko dakangaha. Ia gisik ra•ani salko manianio, AASU-ni dilgiparang jekai, President Utpal Sarma, General Secretary Shorjun Hanse aro Chief Adviser Dr. Samujjal Bhattacharya, Bhupen Hazarika-ni janggi tangani namgipa dakbewalko jarikchina gita didiangaha.

Ia gisik ra•ani ba mande ra•ani salko, Bhupen Hazarika-ni mangkrongo pul bibalrangko pate pringo ong•atangan baksana attamni bako Dighalipukhuri chibolsamo donggipa pilak biaprangon ge 10,000 a•ani chakkirangko so•anggen.

Bharat Ratna man•pilgipa, Bhupen Hazarika-ni siani da•al bilsi 13 gapaha. Ua saksa, git serakgipa, sul taritimgipa, poedo segipa, jawilwat-o kam ka•gipa, dakmesokna changgipa, jawilwat tarigipa, skigipa aro politician saksa ong•achim. Ua 1926 bilsio September jani 8 tariko Assam a•doko atchiaha aro 2011 bilsini November jani 5 tariko, Mumbai songjimao siaha.

AASU-ni President Utpal Sarma, uamangni all student union dolrang, Dr. Bhupen Hazarika-ni Assamese manderangni dakbewalrangko ripinganio an•tangko on•kange kamko ka•anina mitelan baksana, ia salni bako Assam-ni mande Bhupen Hazarika-ko uamang gisik ra•aniko dakenga inenba aganangaha.

Assam Students’ Union aro Assam a•dokni manderang, uamangni gopchakram biapko name tarichina gita dabiangaha jedakode, gipin biaponi re•bagipa manderang Assam-ona re•baon uni a•dok chigana on•gilaniko u•ina gita man•gen ineba ua aganangkuaha.

AASU-ni Chief Adviser, Samujjal Bhattacharya, da•alo uamang Bhupen Hazarika-ni siani salko gisik ra•aniko dakengon, uni on•gilani giminsa da•alo Assam a•dokni manderang namgipa kamrangko ka•na gita man•enga ine aganangaha. Una agreba, chasong gitalni manderangni, Bhupen Hazarika-ni tarigimin gitrangko u•ina aro ring•na gita jotton ka•aniara nambegipa chinba ong•a ineba ua janapataha.

Na·simang ia video-koba nina man·gen:

Na·simang iakoba poraina man·gen: Them Iew Mawlong ramako kulipilaniara ia biapni manderangko apjitanio nangchakeani dongja: Paul Lyngdoh

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub