Tura, Sept 22: All Garo Hills SSA School Teachers’ Association (AGHSSASTA), batanggimin ja bri-ni dormahako uamangna on·kujaengani bidingo uarangko niatpachina inenba Governorna mol·molani chittiko East Garo Hills Deputy Commissionerni Office gita on·ataha.
August jaon chingni dormahako on·china mol·molahachim, 20-21 ni PAB ong·ahaode on·gen ineba ku·chakmanjokchim indiba July jaon PAB ong·ahaoba obostarangde apsan ong·aienga ine skigipa saksa aganaha.
Je projectni ning·on chinga kam ka·engachim uan a·songni projectsa ong·a, gipin biaprango jaantin dormahako on·na man·ode maina chingnara on·na man·skaja ? ; ia obostako chagrongen chingade kangal cholgri ong·e be·enni aro gisikni gita saknaako man·enga ine skigiparang aganskaaha.
