Amlarem, Feb 12: Robibar salo, India-Bangladesh sima arini Zero-point-o, Muktapur-ni Veterinary and Animal Husbandry (V&AH)-ni officer saksako, Border Security Forces (BSF) personnel-rang kragija dakbewal-ko dakataha inenba ua officer matnangataha.
Indake, ia Veterinary Officer sepangjolo chiring donggipaniko na•tok rim•enba noktangchina re•angpilengmitingo, sakgni BSF dolrang uni re•angako champengsoenba sing•anirangko sing•na a•bachengaha. Adita somoirangni jamano, ua an•tang cellphone-ko bikotenba record ka•na a•bachenga. Indake ong•engon, BSF jawan-rang ka•o nangenba cellphone-ko ra•sekaha aro uko ja•sku dipanne kema bi•na aganaha, una agreba uni ganding chindingrangko okgale nagandeatna draataha aro indake dakjaode silaichi gogen inenba ka•mikenataha inenba ia Veterinary Officer manange aganataha.
Ia Veterinary Officer-ni aganani gita, ua jolo dongenggipa me•chik dolrang ia a•selko nikenba, ia BSF dolrangko champengaha aro uamangni gisepo dal•a nanggrikani ong•skaaha.
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
