Ampati, Jan 25: Ampati-ni Multi Facility Centre-o National Voters’ Day-ko, Bristibar salo maniangaha. Ia manianio, niksenggipa manderang, chongmotan, Deputy Commissioner of Police, R P Marak, Superintendent of Police, Vikas Kumar, ADC-rang aro BDO-rang, unbaksana, dingtang dingtang Department-ni Offial-rang, Deputy Commissioner office-ni ning•o kam ka•giparang, BLO-rang, Political party-ni membor-rang, chatro chatri rang aro Ampati-o songdongenggipa manderangba bak ra•angaha.
Ia manianio mongsonggipa sokgipa, District Election Officer, RP Marak aganengon, National Voters Day-ko maniani gamchatani gimin kan•dike talate on•angan baksa, a•jao songdonggipa manderang jemangan jitangahachim aro siangahachim, uarangko u•iatchina gita songdongenggipa manderangko mol•molataha. Unbaksana, jemangan pu•ona man•gipa bilsi sokaha, uamang gitalgipa EPIC card-ko man•a gita bimungtangko segatchinaba ua didiataha.
Indake ia manianio, dingtang dingtang polling station-rango man•gope on•gilpagipa, a•jani sakgittam BLO-rang, uan, Ganjuram Koch, Soron Ch. Sangma aro Meherunisha R Marak-ko mande ra•aniko dakan baksa mitelpilskaaniko dakangaha.
Ia tom•anio bak ra•gipa sakantian, District Election Officer-ni dilanichi, pu•onna man•gimin sakantini dakna nanggni kamrangko chu•sokatna gita ku•mitchetanikoba dakangaha.
Una agreba ia manianio, gital ong•e segatgipa voter-rangna, uamangni EPIC card-rangkoba on•angaha. A•jani gamchatgipa aro niksenggipa mande, Klingson D Marak, jean Indian Blind Football Team-ni membor ong•paengachim, ua didiani kattarang baksa an•tangni u•igimin aro sapgimin kamrangko jinmana aganangaha. Unbaksana, Blind Football Association, Meghalaya dolni gita, Chesrang N Marak aro Jebilbang M Sangma, ka•srokbegipa gitko ring•angaha.
Electoral Literacy Campaign-ko ong•atani bak gita, noksa salsusaani aro slogan sesusaanikoba ong•atangaha, jeon, noksa salsusaanio, Brediana N Marak aro Abhik Hajong chegipa ong•aha aro slogan sesusaanio, Brenosa M Marak aro Abigail R Marak chegipa ong•skaaha.
Iakoba poraie nina man·gen: ‘Bharat Jodo Nyay Yatra’-ko Assam-o ong•atanina, Rahul Gandhi-ko Assam Rajya Sabha MP Pabitra Margheritha mitelpilskaa
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
