Ampati, Oct 25: Sukrobar salo, South West Garo Hills a•jani District Sports Office, ‘Fit India Swachhta Freedom Run’ ine katta bichongko donenba, kilometer 10 ong•gipa marathon-ko Ampati-o ong•atangaha aro ia marathon-o sak 675 manderang bak ra•angtokaha.
Ia marathon-ko an•seng baljokani, kal•susaani aro rongtal an•talaniko rakkina miksonganio ong•atangaha aro ia marathon-ko District Sports Officer Saljagring M Marak, Ampati Indoor Stadium-oni a•bachengate on•angaha.
Ia marathon-ko ong•atanio, South West Garo Hills a•jani Deputy Commissioner Hema Nayak-ba dongpae, chegiparangna boksisrangko suale on•angaha.
Ia Marathon-o me•asarangoni chegiparanga, skanggipao Williamnagar-ni Bowash K Sangma, gnigipao Marpara songni Bhishmadev Hajong aro gittamgipao Gambegre songni Tuebirth Ch Sangma ong•a. Me•chikrangni katsusaanio chegiparanga, skanggipao Muji Agalgre songoni Neha M Marak, gnigipao Chigitchakgre songni Ringsechimik G Sangma aro gittamgipao Wagi Chiring songni Dimchi Ch Marak ong•skaa.
Ia marathon-o chegiparangna boksisrangko suale on•angengon, ia marathon-o bak ra•gipa sakantikon South West Garo Hills a•jani Deputy Commissioner mittelpilangjolaha.
Na·simang ia video-koba nina man·gen:
Na·simang iakoba poraina man·gen: CM-ni dilanichi skanggipa changna NGH-o Cabinet tom•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
