Ampati, Jun 7: Bilsidokna skang nokdonggae on•gipa Integrated Farmers Market-ko Sukrobar salo, Garo Hills Autonomous District Council (GHADC)-ni Chief Executive Membor (CEM) Albinush R Marak aro Executive Membor (EM) Stevie Marak-ni jakchi Ampati-o kulie on•angaha.
Ia Farmers Market-ko kulie on•anganio GHADC-ni CEM Albinush Marak, tom•anio bak ra•giparangna aganprakangengon, ia farmers market-ko rikanio dingtang dingtang neng•nikanirangko chagrongna nangahani a•sel kulie on•ningna man•jaha ine parakataha.
Ia farmers market-ko kulianichi songo noko game ge•e cha•enggipa manderang, ia biapon an•tangtangni game ge•e man•gipa bosturangko palna sim•na man•gnok ine janapatengon, ia market-o dokkan dakna gita dorgastorangko galchina game ge•e cha•giparangko Marak mol•molangaha.
Ia farmers market-ko an•tangtangni namgnina name jakkalangchina aro an•tangtangni gama ge•anirangkoba namdapatchina gitaba GHADC-ni CEM, game ge•e aro bading chiwale cha•enggipa manderangko didiangaha.
Ia tom•anio Dalu-ni MDC Pramod Koch-ba jinmana aganprakengon, pangkamgipa gama ge•anirangko dakchina, ong•telaigipa a•salrangchi gama ge•anirangko dakchina aro chirangko ripinge rakkichina gita game ge•e cha•giparangko aro jolo songdongenggipa manderangko didiangaha.
Ia integrated farmers market-ko kulie on•anganio dongpae bakko ra•anggipa gipin manderangara, Betasing-ni MDC Sanjay Koch, SWGH District Horticulture Office-ni Assistant Director (Marketing) Balsrang Sangma, Horticulture aro GHADC-ni official-rang, Ampati Bazar Committee-ni membor-rang aro songo noko game ge•e cha•enggiparang ong•a.
Na·simang ia video-koba nina man·gen:
Na·simang iakoba poraina man·gen: National Arm-Wrestling Championship-ko Duliajan-o a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
