Tura, May 2: Agia-Medhipara-Phulbari-Tura (AMPT) ramako name tarijahani a•sel ia ramao da•on nosto ong•anirangko nikna man•engaha ine Garo Students Union (GSU) aro A•chik Youth Welfare Organisation (AYWO) dolrang matnangatenba, ia ramako tarigipa Guwahati-ni contractor M/s MP Agarwalla-ni kosako nanga gita ja•kurangko de•china West Garo Hills a•jani Deputy Commissioner-na sedoataha.

Iani bidingo West Garo Hills a•jani Deputy Commissioner-na badi ka•e sedoatengon, AMPT ramara Assam aro Meghalaya a•dok damgniko nangdimeatgipa rama ong•e Phulbari jolrango songdongenggipa manderangna aro mongsongbate skulrangchi re•enggipa chatro chatrirangna mongsonggipa re•a doani chol ong•engachim indiba ia ramako tarigipa company M/S MP Agarwalla, ramako name tarijahani a•sel skangona bate da•o namjabatsrangaha ine GSU Phulbari unit-ni president Nyezer Chuang R Marak aro AYWO Phulbari unit-ni president Dalseng M Sangma parakataha.

Iakoba poraie nina man·gen: Roster system-ni gimin May jaoni chanchigen: CM