Dibrugarh, June 8 : Pro-Khalisthan-ni dilgipa aro gitalgipa MP-na seoka man•gipa Amritpal Singh-ko Dibrugarh Central Jail-ona, uni pagipa Tarsem Singh, ma•gipa Balwinder Kaur aro jikgipa Kirandeep Kaur maang, Punjab-oni grongna gita re•baaha.
Amripal-ni ma•gipa, pattok-o kam ka•gipa sakantinan, degipani Lok Sabha election-o cheanina, Punjab-oni ra•bagipa chi•gipa cha•anirangko suale on•angan baksanaba, Parliament-o ku•mitchetaniko dakan salo ganna gita chola bara gitalko ra•bae on•angaha.
“Chinga uko grongenba, uni Lok Sabha election-o cheaniko kobor on•a re•baan baksana, Punjab-o donggipa dala chona pilakan una baditan ka•saa uko chingni depantena u•iatna gita re•baaha,” inenba Tarsem kobor ra•timgiparangna aganangaha.
Amritpal Singh, Dibrugarh Central Jail-oni, LS election-o susagenchim ong•omangba, lak 4,04,430 vote-rangko man•enba, Congress-ni Kulbir Singh Zira-ni kosako cheaniko man•aha, jean lakh 2,07,310 vote-rangkosan man•aiachim.
Aam Aadmi Party (AAP)-ni Laljit Singh Bhullar, lakh 1,94,836 vote-rangchi 3-gipa ong•skaaha.
Re•anggipa bilsio National Security Act (NSA)-ni gita mongsonggipa am•sandie nianio, Amritpal Singh rim•ako man•aha aro da•o dipet ua Dibrugarh Central Jail-on ong•kuenga. Uko 2023 bilsini April jao Punjab-o rim•aha aro uan Waris Punjab De dolni dilgipaba ong•achim.
Battanggimin 2019 bilsini Lok Sabha election-o, Khadoor Sahib seat-na susaanio, Congress-ni dilgipa Jasbir Singh Gill chegipa ong•aha.
Amritpal baksa rim•a cha•gipa gipin mongsonggipa ka•rimskarangara, Papalpreet Singh, Daljeet Singh Kalsi, Kulwant Singh Dhaliwal, Varinder Singh Johal, Gurmeet Singh Bhukhanwala, Harjit Singh, Basant Singh, Gurinder Singh Aujla aro Bhagwant Singh jekon Pradhan Mantri Bajeke ineba u•itokachim, iamang ong•achim. Iarang pilakan, National Security Act (NSA)-ni ning•o aro gipin ong•gija kamrangna ba dos dakanina mokordomako chakna gita nangenga.
Na·simang ia video-koba nina man·gen:
Na·simang iakoba poraina man·gen: Ia chasongni armyo bil-jak baksana gisik-mikta mongsongbegipa ong·aha: Lt. Gen Suchindra Kumar
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
