Tura, Sep 29: Anganwadi worker-rang, sorkarini dingtang dingtang kamrangko ka•na gita nangengoba, man•gnirangde namen komibatengani gimin adita salrangna skang, All Garo Hills Anganwadi Workers & Helpers Association (AGHAWHA)-ni membor-rang, Tura-ni MP Agatha K Sangma-ko grongenba, an•tangtangni man•gnirangko bariatchina gita mol•molangaha.

Iani bidingo u•iataniko on•angengon, Anganwadi worker-rang dingtang dingtang kamrangko ka•na nangengoba ma•mong sorkarini gong 4500 aro a•dok sorkarini gong 3000-ko man•chape jao gimik gong 7500/-kosan man•enga aro iani a•sel Anganwadi worker-rang neng•nikanirangko chagrongna nangtokengani gimin Anganwadi worker-rangni dormahako japrako komibeoba gong 20,000/- ka•e on•china Tura-ni MP-ko mol•molangaha ine AGHAWHA-ni general secretary parakataha.

Indake ong•engon, Anganwadi worker-rangna dingtang dingtang kamrangko ka•anio nambata smartphone-rangkoba jakkalna nangengani gimin gital smartphone-rangko on•china, senior ong•batgipa aro kamni gimin ma•sibatgipa Anganwadi worker-rangko Lady supervisor-ni kamona ra•doatchina aro Polio immunization, TB survey aro uandakgipa dingtang dingtang kamrangko ka•dapna nangenggipa Anganwadi worker-rangna salprako on•enggipa man•gniko bariatchina gitaba association, Tura-ni MP-ko mol•molangaha.

Iakoba poraie nina man·gen: A·gilsak gimikchi manianga gitan, Eid Milad-un-Nabi-ko Shillong-oba maniangpaa

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub