Guwahati, May 21 : Assam Guwahati-ni Rajiv Bhawan-o, Bharat Ratna man•pilgipa an•chingni gitcham Prime Minister Rajiv Gandhi-ko uni siani salo, Assam Pradesh Congress Committee mande ra•aniko dakangaha. Aro ia salkon Anti-Terrorism Day ineba a•song gimiko manianiko dakronga. Iako maniani miksonganiara bobil dol dake chakatani aro so•so jengjeng ong•ataniara maikai songsalna aro a•songna namgijaniko ra•baachim iani bidingo manderangna u•iatna miksonganian ong•achim.
Ia manianio, APCC-ni President Bhupen Borah baksana uamangni dolni a•gipi batgipa dilgiparang aro uamangna kam ka•giparangba bakko ra•angpaaha. “Da•al an•chingni gitcham Prime Minister Rajiv Gandhi-ni siani salo, chinga uko mande ra•e salam ka•a, aro iasan ong•aigija, skango Assam a•dokni manderangna uni ka•sae dangdike on•anirangko chinga maming saloba gualna man•jawa,” ine APCC-ni President Bhupen Borah aganangaha.
“Chinga CAA-ko rak•en jegala, indiba ia BJP sorkari je cholchiba ia CAA-ko ra•gatna jotton ka•enga. Chinga chol man•gen ong•ode, CAA-ni kosako pangnan jegalaniko dakangkuaigen. Angni ka•dongsoani gitade, June jani 4 tarik jamano, Congress aro chingna chakpagipa MP-rang Parliament-ona re•ange, CAA-ko jegalna ku•rangko on•anggen,” ineba ua agandapangkuaha.
Na·simang ia video-koba nina man·gen:
Na·simang iakoba poraina man·gen: Wachiona tarisamsona SGH-o tom•aniko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
