Guwahati, April 18: Assam Congress President, Bhupen Borah, BJP-chi dilenggipa Assam sorkariko, Panchayat election-ko mangsongani gnang jadonggaatenga aro jolo songdonggipa manderangna on·gimin bilrangko bilgriatna jotton ka·enga ine matnangataha. BJP dol, Panchayat election-ko bilsisa ong·na am·pile ong·atjaha, maina uamang Panchayat Raj System-na bil chong·motko on·a sikjaenga ineba ua janapataha.
BJP-ni somoio, MGNREGA job scheme-ni ning·o sak 6,200 manderang mangmangsan chu·gimik sal 100-ni kamrangko man·aha. Iani gisepon, Congress dol job card donggipa sakantinan sal 100-ni kamrang baksana salo tangka gong 400-ko on·a ku·rachakachim. Congress dol, Pradhan Mantri Awas Yojana (PMAY)-ni ning·o matchotgijagipa nokrangko matchotate on·an baksana “Lakhsmi” ingipa gital scheme-ni ning·o kangal me·chikrangna japrako tangka gong 3,500 on·aniko a·bachengatna gita Panchayat-rangna somoi gita tangka paisarangko sokatchina ua u·iatangaha. Party-ni gita uamang Lakhpati Baideo scheme-ko mangrakbatatenba, manderangko an·tangari ga·chatna man·a gita dakchakaniko on·anggen.
Party-ni ning·o neng·nikani bidingo, ua dam 5 a·jarangoniko election-o susana gita party-ni ticket-rangni palo tangkarangko ra·enga ine a·kanggipa ming 17 badi ka·anirangko man·soaha inenba Bhupen Borah u·iatangaha. Iarangni bidingo nirokatna gita, Gaurav Gogoi, Pawan Singh Ghatowar aro Debabrata Saikia baksa dol ge·sako bikotchinaba ua ku·pattiataha.
Borah, BJP-ni Minister Pijush Hazarika aro Padma Hazarika-ko tangka cha·boke cha·anio bak dongpaanina matnangataha. BJP dol, opposition-rangko champengna gita tangka paisarang, bil jak aro police-rangni bilko jakkalenga ine a·kangatan baksana indake dakangkua ong·ode bon·kamao, Assam a·dokde, Bihar ba Tripura gita ong·naba donga ineba ua mikrakataniko on·ataha.
Na·simang ia video-koba nina man·gen:
Na·simang iakoba poraina man·gen: Karbi Anglong, so·so jengjeng ong·gipa biaponi namroro silrorogipa ong·baani : CM Sarma
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
