Delhi, Mar 16: 18th Lok Sabha Election-ko chang 7 ba phase 7 dake ong·atgen ine Indiani Chief Election Commissioner Rajiv Kumar u·iataha. Salgro-salaram aro salgipengni a·dokrango skanggipa phaseon April 19 tariko ong·gen. Indiao parliamentary constituencyrang dam 543 dongaoni dam 84kode ST aro Scrangna kanggimin ong·a.
Sak 97 kror bate pu·onna man·giparang dam lak 10.5 polling stationrangko pu·ontokgen. Uarango sak lak 1.5 kror polling officialrang aro securityni manderangko watatgen. Bol lak 3 garirangko aro lak 55 EVMrangko jakkalgen.
Eleksin ong·atanio tangka-paisa aro bil-jakko niamni a·palo jakkalaniko champengna kam ka·anirangko aganengon, re·anggipa changni eleksino 3500 kror baten tangkako rim·aha ine Ravi Kumar parakatahaa. “Ong·gija kamrangko, tangka paisa aro chu sualanirangko champengchina gita eleksinko chalaigiparangna bil on·aha” ine ua agandapaha.
Eleksinna wenengon je dakgipa bewaloba bi·sarangko jakkalaniko aro politiksni a·palo ong·gipa kattarangko ra·e mandeskako agan-mitakaniko raken champengani gnang.
Sonibar salo Election Commission of Indiani u·iatani gitade re·baenggipa April 19 tariko Meghalaya a·doko Lok Sabhana pu·onsusaani ong·gen, jean skanggipa phase-o ga·aka. Chanani June 4 tariko ong·gen.
Phase 7 ba changsni dake Indiao Lok Sabhana pu·onani tarikrangko Chief Election Commissioner u·iataha.
Phase 1: 19th April (102 seats) Phase 2: 26th April (89 seats) Phase 3: 7th May (94 seats)
Phase 4: 13th May (96 seats) Phase 5: 20th May (49 seats) Phase 6: 25th May (57 seats)
Phase 7: 1st June (57 seats) Chanani tarik: 4th June ong·gen.
Na·simang ia video-koba nina man·gen:
Na·simang iakoba poraina man·gen: Songdu chibimao choruraani cholrangna Shipping Ministry Rs 645 krorko jakkalgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
