Guwahati, Feb 25: Assam-o songdong a•chaenggipa Muslim me•chikrang, British-rangni chasongo ra•gatgimin niam, chongmotan, Muslim Marriage and Divorce Act 1935-o segataniko, a•dok sorkarini ra•galahani gimin kusi ong•aniko parakataha.
“Assam sorkarini gita British ba gipin a•songoni re•bae sason ka•engani somoio ra•gatanggipa niam retirangko ra•galna tik ka•ahani gimin namen mitela aro chinga kusi ong•e maniani gita sweet-rangko sualaniko dakenga” inenba jikma jikse ong•aoni galgrika man•gipa me•chikrangna skie on•enggipa training centre-ko chalaienggipa, Rekha Doley aganaha.
Unbaksana, ia me•chikrangni mangrakgipa bilrangko on•enganina aro ja•kurangko de•enganina, Assam a•dokni Skotong Minister Himanta Biswa Sarma-ko chinga mitela aro segipatangtangoni kragija doka sataniko man•gipa me•chikrangna ba ia training centre-o dingtangmancha cholrangko on•enga inenba Saheba Ahmed-ba aganangaha.
Indake Sukrobar salo, ia Act-ko ra•galna gita a•dok sorkari tik ka•angaha ine parakatan baksa, Muslim Marriage ba Muslim bia ka•anio segatgimin sak 94 me•chikrangna, uamangni gitalgipa janggi tanganiko on•anio dakchakna gita gong lakh 2 tangkarangko on•a ienba Cabinet-o tik ka•angaha.
Na·simang iakoba poraie nina man·gen: Bilsi 115 mang ong•gipa gitcham Shillong Bar Association Office-ko wa•al kama
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
