Guwahati, Jan 7: Sombar salo, Assam-ni Dima Hasao a•jao donggipa koila kuareo rang•san chi ban re•baani a•sel jachange dongenggipa koila cho•giparangko naljokatna gita, a•dokni Skotong Minister Himanta Biswa Sarma, Indian Army-ni Relief Tast Force dolrangko watataha.
Sombar pringo rang•san chi ban re•ani apsan salon chi ripna namen sapbegiparang, engineer-rang, aro naljokatani kamrangko ka•giparang, agipibatgipa officer-ni dilanichi chu•sokaniko man•a gita chasong gitalni ostrorangko jakkale iano naljokatani kamrangko a•bachengataha.
Komibewaloba sak 13 koila cho•giparang, Umrangso Police Station-ni ning•o donggipa Tin Kilo-ni Coal Mine No. 19-o jachange dongenga. Jolo donggipa manderangni u•iatani gitade sombar pringo sak 27 manderang kuare ning•chi napangaha jeoni sak 10-de jenten jokbana gita man•aha, da•o sak 13 ba sak 17-kode nikkujaenga.
Umrangso-o koila cho•giparangni jachange dongani koborko man•e gisiko namen duk man•a ine aganengon, baita sak mancha jachange donggiparang ong•a name u•ina gita man•kujagenchim ong•oba, uamangni naljokanina bi•chakenga inenba, Skotong Minister Sarma, uni X (Twitter)-o see parakataha.
Assam sorkari, Meghalaya-ni sima ari sepango naljokatani kamko ta•rakbatatna aro jachange dongenggiparangko name rimongkatbana miksonganio nangan bosturangko watatman•aha.
Na·simang ia video-koba nina man·gen:
Na·simang iakoba poraina man·gen: Umrongso koela a•kolo gimaenggiparangoni sakgittamni manggisiko nika; Sak 12-na baten gimakuenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
