Shillong, Aug 14: Meghalaya a•dokona bang•bata tourist-rangko salbae, a•gilsako niksenggipa biap ong•atna aro a•doko tourism-ko tang•doatna gita Meghalaya a•dokni Arts & Culture department, Tourism department baksa nangrime, re•baenggipa 2024 bilsioni dingtang dingtang program-rangko Shillong songjinmani U Soso Tham Auditorium aro Shillong International Centre for Performing Arts & Culture (SICPAC)-o ong•atjringgen ine Sombar salo, a•dokni Tourism Minister Paul Lyngdoh parakataha.
Meghalaya a•doko Cherry Blossom aro Autumn Festival gita dakgipa program-rangko ong•atani bewalni gimin sing•anina aganchakaniko on•angengon, Meghalaya a•doko pangna bilsian bilsi bon•angachibarasa dingtang dingtang program-rangko ong•atrongachim indiba mikkang bilsionide bilsi gimikan dingtang dingtang program-rangko ong•atna gita sorkari, calendar-ko tarisamsognok ine Lyngdoh parakataha.
Iako dakani miksonganiara a•doktangni manderangko an•saoatnasan ong•aigija gipin biaprangoni manderangko salbana gita miksonganiba ong•enga ine Tourism Minister parakataha.
Iandake bilsi gimik program-rangko ong•atanichi tourist-rangko bang•bate salbana man•gen aro ian a•dokna namgniko ra•bagen ineba Lyngdoh parakataha.
Indake ong•engon, re•baenggipa November 17 tarikoni 19 tarikona Shillong songjinmao ong•atna sienggipa Cherry Blossom Festival-ona mingsinggipa Irish singer Ronan Keating re•bae gitrangko ring•e mesokangna sienga ine kobor on•aha.
Ia bilsini Cherry Blossom Festival-o Pink Panda, Jonas Blue, Hybrid Theory aro Kenny Musk baksana joltangni mingsinggipa singer aro band-rang, jekai Lou Majaw, Snow White, Da Minot, Summersalt aro uandakgipa gipin singer-rangba gitrangko ring•e mesokanggen ine kobor on•aha.
Iakoba poraie nina man·gen: Tura Runner’s Club-ni manderang, club-ko songchengani salko gisik ra·na Chandmari kal·chakramko rongtalatanga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
