Itaganar, Mar 10: Arunachal Pradesh a·dokni Assembly election-o Namsang constituency-ni MLA aro Minister Wanki Lowang-ko chena gita ia chang NPP, Congress aro JD-U dolni dilgiparang apsan nangrime susana tik ka·angaha.
Ia sakgittam dilgiparangara, NPP-ni Towang Lowang, Congress-ni Litwang Lowang aro JD-U-ni Ngonglin Boi ong·a aro uamang sakgittaman, batanggimin chang election-rangode dingtang dingtang susagrikahaoba ia changode, da·o ong·enggipa Namsang constituency-ni MLA aro Minister Wanki Lowang-ko ga·akatna gita nangrime susana tik ka·aha.
Ia sakgittam dilgiparang Sonibar salo, Trap a·jani Soha jolo donggipa Turet songo tom·aniko ong·atangenba, JD-U dolni Ngonglin Boi-ko Namsang constituency-o susaatna tik ka·angaha aro jolo songdongenggipa manderangkoba Boi-na chakpaanirangko on·china didiangaha.
1999 bilsionin Wanki Lowang, Namsang constituency-ni MLA ong·e dongengachim aro uan Arunachal Pradesh a·doko saksa ja·delbatsranggipa MLA-rangoni saksaba ong·engachim.
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
