Guwahati, Jan 21: Arunachal Pradesh-o bol chilani kamrangko ka•enggipa mang 20 mongmarangko naljokatenba Gujarat, Jamnagar-ni Vantara Rescue Center-ona rimangengahani a•sel mongmarangni namgnina aro uarangna simsak nirokaniko dake janggi tanggiparangna nangchakeako man•gen ine jera ra•grikaniko a•bachengataha. Vantara-o, Arunachal Pradesh-ni mongmarang uamangni ong•telaigipa dongramo gita naljokgipa samtangtango jakgittele dongna gita man•gen.

Ia naljokatani kamrangna mittam manderang chakpaaniko mongmarangna nambata simsak nirokaniko on•a ja•ku de•ani ong•a ine aganengon, mittam manderang km 3,500 chel•a ramako songreangani baksana jatni dakbewalo gita uamangko nirok simsakani aro jakkalaoniko rimanganina jejrengskaenga. Ia mongmarangko gitalgipa biapona jitataniara nama chanchiani ong•ja baksana haida ian man•e cha•gipani depantegipako kusi ong•atna miksonganio rimanganisa ong•a, inenba Assam-ni Congress MP Pradyut Bordoloi matnangataha.

Name simsake tarisamsoani baksana  dingtangmancha uamangko salangani aro uamangko simsak nirokanio namen sapbegipa dolrangko man•chape Supreme Court ia ja•ku de•aniko namnike ra•chakangaha. Ia project-ni gita mongmani nokgipa gitchamrang aro uamangko jakkalgiparangna training-rang baksana gital kam ka•e cha•ani cholrangkoba on•anggen.

Vantara, ian naljokatgimin mongmarang aro Gujarat, Jamnagar-ni buringo janggi tangenggipa gipin matburingrangko donram biapba ong•a.

Arunachal Pradesh-oniko naljokatgimin mang 20 mongmarangko nokchakna gita uamang tarisamsoanirangko dakmanaha ine rescue center-ni gita u•iatangaha. Anant Ambani-ni dilanichi ia naljokataniko, special committee-ni ra•chakaniko man•an baksana Supreme Court-ni chakpaanikoba man•aha. Vantara-o mongmarang songdong a•chakamna gita biapko man•a baksana kam ka•atani aro silchi kae jillaoni jokgnok.

Naljokata man•gipa mang 20 mongmarangoni mik•malatna jotton ka•anio namen saknaako man•gipa bilsi 10-ni Laxmi, bolrangko chilani kamrangko ka•e sinjetako man•gipa bilsi 2 ong•gipa Maya aro uni ma•gipa Rongmoti baksana kae donkamako man•e chaktogijaniko man•gipa mongma bipa manggni chong•motan Ramu aro Babulal ong•a. Mongmarangni bilsio ka•o nangmiting somoirango Ramu minggipa mongmako cho•otpile kae donarangko man•aha aro Babulal minggipa mongmara buringni mongma baksa dakgrike mata buanirangko man•skaaha.

Gujarat Forest Department baksana, Arunachal Pradesh Forest Department-oniko Transport Permit-rangko man•chape pilak nangan lekkarangko naljokatgipa dolrang ra•manaha. Ia mongmarangko, uamangna simsakani baksa uamangko ra•angna dingtangmancha tarigimin ambulance-o ra•anggen aro Maya-de uni ma•gipa baksa rimangako man•gen.

Matburingrangko sangiparang, nirokgiparang aro gari salgiparangko man•chape sak 200 matburingrangko simsak nirokaniko dakna sapbegiparang ia mongmarangko uamangni gitalgipa dongram biapona naljoke ra•angna gita dakchakaniko on•anggen.

2020 bilsio am•sandie nianiko dakanio, Arunachal Pradesh-o bang•bata mongmarangkon kaesa jillrongachim, indiba bol de•anirangko champengatahani gimin da•ode uamang mongmarangko jakkalani aro jillanirang komibataha. Ia mang 20 mongmarangko Vantara-ona rimanganiara ian mande rim•e jillenggipa mongmarangna simsak nirokaniko namdapatna jotton ka•ani bak gita ong•a. Forest Officer, Tabang Jamoh, ia naljokatanina chakpaaniko on•enba, jolo rim•e donenggipa mang 200 mongmarangko uamang DNA porikka ka•e nianirangko dake uamangni an•seng baljokanirangko nirokenga ine janapataha.

Itanagar Biological Park-o matburingrangko sangipa, Dr. Sorang Tadap, kae jillenggipa mongmarang bang•bata salon be•enni gita an•seng baljokgijanirang baksana ru•uta sal somoirangna silrangchi kae donani aro rak•a kamrangko ka•na nangani a•sel gisik-ni gita sinjetanirangko man•rongani gimin, Vantara-o man•enggipa namgnirangko mongmarangna nangchongmotani gimin janapangan baksana mongmarangna namgnirangko on•a gita ia ja•ku de•anina Vantara-ko de•mittelangkuaha.

Mongmani nokgipa saksa Chow Thamasala Mein minggipaba ia naljokatanina chakpaaniko on•e, bol de•anirangko champengata intaloni uamang mongmarangko jakkalna sikjaha ine janapatengon, ia mongmarangko Vantara-o simsak nirokaniko on•an baksana ia ja•ku de•aniara uamangni nokdangni manderangna pangkamgipa kamrang baksana janggi tangna gita tangka paisa kamaiani cholrangkoba on•anggen, inenba ua an•tangni kusi ong•aniko parakataha.

Na·simang ia video-koba nina man·gen:

Na·simang iakoba poraina man·gen: A•dokko nambate chalaina gita Constitution baksa advance Technology-ko nangrimate sorkari kam ka•anggen

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub