Dibrugarh, May 23: 2020 bilsio a•songtangko warachakanio an•tang baksa kam ka•rimgipa sipaina janggitangko on•chakgipa 4 Sikh LI-ni Sepoy Satinder-ko gisik ra•e mande ra•pilskana gita Bristibar salo, Indian Army-ni ning•o donggipa Spear Corps-ni sipairang ‘Sati Baba Day’-ko maniangaha.
2020 bilsio patrolling ka•engmiting somoio an•tangni ripengtangko jokatna gita Sepoy Satinder, ba jekon ‘Sati Baba’ ineba mingachim, ua an•tangni janggiko on•chakaha aro untalan uni janggi, Siang Valley-ni ga•nanggijagipa biaprango sipairangni kamrangko ka•anio chel•chakanirangko on•enga ine Indian Army-ni sipairang bebera•enba bilsiantian May-ni 23 tariko ‘Sati Baba Day’-ko manienga.
Uandaken ia bilsioba ia salo, Sepoy Satinder-ni ka•dongani aro janggitangko on•chakanina mande ra•pilskaaniko dakna gita Spear Corps-ni sipairang ‘Sati Baba Day’-ko maniangaha.
Ia salko manianio, 4 SIKH LI-ni Commanding Officer aro Junior Commissioned Officer, Sepoy Satinder-ko mande ra•pilskaani chin gita una pul bibalrangko donangaha.
2020 bilsini July 1 tariko, Indian Army-ni sipairang, Siang Valley-o donggipa chibima dilsako ga•batangengachim aro chibimako ga•batangengmiting somoio uamangoni sipai saksa maibakae ja•gitotenba chibimaona ga•akangna siahachim indiba Sep Satinder ka•dongbee aro an•tangna chanchigija an•tangni ripengko jokatna dariangahachim. Indake ong•genchimoba an•tangni ripengko jokatanio ua an•tangan ga•srotangenba ta•rakbee jokenggipa chibima uko man•pakangaha.
Indian Army-ni sipairang uko sandibeahaoba rasong grie uni manggisiko man•piljaha.
Na·simang ia video-koba nina man·gen:
Na·simang iakoba poraina man·gen: Garo Hills-ni sima ari jolo buringni mongmarang me•su salanggipa gariko chadrapa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
