Itanagar, July 8: Arunachal Pradesh a•doko dontonggija mikkarang waangenba bang•en a•arang be•ahani a•sel, Kurung Kumey a•jani Sarli, Polosang, Paniasang, Damin aro Parsi Parlo jillarango rama jal•langrang champengatako man•e, manderang neng•nikanirangko chagrongna nangtokenga.
Koborko on•ani gitade, batanggimin antirango mikkarang jimbee waangahani a•sel Arunachal Pradesh a•doko bang•en rama jal•langrangko chi pe•angaha aro uandaken manderangni re•a doani cholrangko champengattokaha.
Kurung Kumey a•jani Deputy Commissioner Vishakha Yadav-ni parakatani gitade, mikkarang jimbee waangani a•sel Parsi Parlo gita Damin-ona dakanggipa rama champengatako man•aha aro ia ramako rongtalatna gita RWD rakbee kamrangko ka•enga.
Ia jolrango songdongenggipa manderangna bijoli aro chirangkoba on•pilna gita dingtang dingtang department-rang rakbee kamrangko ka•enga ine Yadav aganaha.
Indake ong•engon, mikkarang namkalangahaon aro ramarangko chu•gimik watna man•pilkujaskal, manderangna nangchongmotgipa bosturangko helicopter-rango salange on•china gita jolo songdongenggipa manderang sorkariko didiataha.
Na·simang ia video-koba nina man·gen:
Na·simang iakoba poraina man·gen: Bishop Mamalaserry-na Garo Hills-ni manderang bon•kame mande ra•pilskaaniko daka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
