Guwahati, May 17: Arunachal Pradesh-oni ge·sa petrol pump-o cashier-ni kamko ka·enggipa saksa Dinesh Sharma minggipako, chanchichipenggipa United Liberation Front of Assam ULFA(I) bobil dolrang batanggimin somoio rim·srukange chu·gimik sal 21-rangna kingking uamangni jako donani ja·man mija Mongolbar salo maming a·sel gri watpilataha.
Rim·srukanggipako watpilatani bidingo ja·pangoniko koborko man·ani gitade, Chongkham-o donggipa ge·sa petrol pump-o kam ka·enggipa Dinesh Sharma-ko batanggimin April jani 26 tariko silchidare ra·bitgipa ULFA(I) bobil dolni sakgittam manderang rim·gittangahachim, uandake, mija May 16 tariko Lohit district-ni Wakro circle-ni ning·o ga·akgipa Medo biap jolo bobil dolrang Sharma-ko watatpilaha.
Aganani gitade, petrol pump-ara saksa Zilla Parishad Member (ZPM), Jenia Namchoom minggipani ong·achim.
Sharma-ko rim·gittangangmiting somoio, bobil dolni manderang adita rong gullirangko goaha, jechin petrul pump nokgipani jakkalenggipa saksa bilsi 28 ong·gipa driver, Mithai Marandi-ko gulli nange ua bilongbee jokkom ong·aha aro Assam, Dibrugarh district-ni ge·sa hospital-o done sanengmitingo ua rasong gribee janggi galaha.
Iakoba poraie nina man·gen: Umiam Dam-o chi chonahani a·sel dam-ko chipna nangani cholrang donga
