Itanagar, Feb 4: 1988 bilsioni 2020 bilsiona, Arunachal Pradesh-o Himalaya-ni Salaram jolrango dal•begipa bakrangko pindape dongenggipa dot 110 mangni gita tin•kagimin surirang jronge galaha ine u•ina gita man•aha, jeni a•selan ro•ongarigipa biaprang nagala baksana gital chibolrangko nakatatenba chi ban re•anina kena nanganirangko ra•baahaa.
2023 bilsio Sikkim a•doko ong•telaigipa obostarangni a•sel sak 55 manderang janggirangko gimaatna nangan baksana Teesta chibimao rikgipa 1,200 megawatt hydropower project-ba nisigalako man•aha.
Nagaland University-ni Environmental Science department-ni Vimha Ritse, Amenuo Susan Kulnu, Latonglila Jamir baksana Cotton University-ni Environmental Biology and Wildlife Sciences department-ni Nabajit Hazarika maangni am•sandie man•aniko, Easth System Science ingipa journal-o nakatataha. Tin•kagimin surirangni sima ari-rangko poraie nina gita am•sandigipa dolrang, satellite-ni jachipchangrang aro mapping technology-rangko jakkalangaha. Arunachal Pradesh-ni dingtang dingtang a•jarang jekai Tawang-oni Lohit-ona tin•kagimin surirangko porikka ka•e nianirangko dakangaha. Bilsi 32-na ru•utbee am•sandie nianiko dakanio uamang dot 756 tin•kagimin surirangoni 646-ona komiroroanganiko nikna gita man•aha.
Na·simang ia video-koba nina man·gen:
Na·simang iakoba poraina man·gen: B’desh-o bobil dake chakatgipa dolni mande saksako Assam-ni STF rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
