Itanagar, Dec 29: Arunachal Pradesh-ni Skotong Minister, Pema Khandu, a•doko Arunachal Pradesh Freedom of Religion Act, 1978-ko ra•gatna sorkari kamko ka•enga ine parakataha. Ia Act-o, sakgipinko gipin torom-o napchina ba bakrimchina drana man•jawa ba cha•boke napdrakatanirangko raken champengaha aro ia act-ko ra•gatna ru•uta somoirangonin man•chimanaha, indake ong•genchimoba chu•sokgipa ong•na man•jahani gimin sorkari ia act-ko a•doko ra•gatnasienga.
Indigenous Faith and Cultural Society of Arunachal Pradesh (IFCSAP)-ni Itanagar-o ong•atanggipa program-o jinmana aganprakengon, a•dokni daka rikanirangko aro jatni ja•rikbaenggipa bewalrangko ripinganio ia act-ni gamchatani gimin aro uko ra•gatna nangchongmotani gimin Khandu aganaha.
Ia niamrangko ra•gatanio bilsi 45 mangni gita ru•utatahani gimin, ja 6 mangni gidepo draft rule-rangko tarina nanga inenba Itanagar-o donggipa Gauhati High Court-ni bench-o dorgatoko IFCSAP-ni General Secretary, September jaon on•angaha.
Indake torom-o bebe ra•giparangni aro jatni dakbewalrangni gisepo bang•a nangchakeanirang ong•gen ine ia Act-ni bidingo jajanirang aro jera ra•grikanirang ong•ani gisepoba a•dokni Assembly-o aro a•songni President-ba 1978 bilsio ia Act-ko ra•chakangaha.
Na·simang ia video-koba nina man·gen:
Na·simang iakoba poraina man·gen: Nagaland-o man•gipa rokomsa garako Khasi Hills Long-Tailed Lizard ine u•ina gita man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
