Itanagar, May 15: BJP-chi dilenggipa Arunachal Pradesh-ni sorkari, India a·songoni sal nabaako nikchenggipa Dong ingipa chonbegipa songo Sunrise Festival-ko ong·atgen ine parakataha. India-Tibet sima ari (LAC)-ni Kibithu sambao donggipa ia Dong songara sagaloni chuako toatgenchim ong·ode 4,070 feet mangni gita ong·a. 2000 bilsini January 1 tariko, bilsi hajal 2 gapani skanggipa sal nabaaniko nisona bang·bea manderangni tom·baoni ia biapara mingsingbana a·bachengaha.
Ia chonbegipa songo Meyor tribe ba jatrang nok 9-san dongaia. Ia festival-ko ong·atna tarikko manchikujagenchim ong·oba, a·dokni cabinet ia festival-ko ong·atna miksonganiko mongolbar salo namnike ra·chakangaha.
Adita salrangna skang Arunachal Pradesh-ni badiaba biaprangko bimung mingjitani bidingo China baksa neng·grikani gisepon, Dong-ni ma·ekgipa biap aro jatni dakbewalrang baksana ian India a·songni bak ong·a ine a·gilsak gimikna mesokatna miksonganio ia festival-ko ong·atna tik ka·angaha.
Dong ian Walong-oni km 7 mang chel·ao donggipa biap ong·a, jeon Lohit chibima aro Sati chiring nangdima. Ia songara guriarigipa a·brirang aro sal nabaanichi nitoasan ong·aija indiba ian bilak wa·saani chin aro a·songni mikkimba ong·a. Ia Sunrise Festival-ko ong·atanichi, uni nitoani aro gamchataniko bang·bata manderangna mesokatna dakchakaniko ong·gen.
Na·simang ia video-koba nina man·gen:
Na·simang iakoba poraina man·gen: Meghalaya a·dok skanggipa sorkarini Engineering College-ko man·a sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
