Dibrugarh, Apr 11: Arunachal Pradesh-ni Home Minister Mama Natung, Changlang-o Pongtu Kuh Festival-ko ong·atanio mongsonggipa sokgipa ong·e aganengon, a·dokni chadamberangko uamangni dingtangbegipa dakbewal rikbewalrangko mande ra·an baksana ripingangkuchina gita didiataha. A·doko donggipa dingtang dingtang jatni dakbewal rikbewalrangko ripingna nangchongmotani giminba ua janapangaha. Uasan ong·aigija, Arunachal Pradesh Freedom of Religion Act (APFRA), 1978-ni ning·o sorkarini gital niamrangko tarianichi manderangna neng·nikaniko ra·bajawa inenba ia ja·ku de·ani bidingo manderangni jajrenganina talate on·angaha. Iani bidingo tol·e jangbingatgiparangni kosako ua matnangataniko dakatengon, sorkari pangnan manderangna chakpaaniko on·anggen ineba ku·rachakangaha.
Changlang-o chasong gitalni fire station baksana women police station-ko ta·raken a·bachengatgnok ineba ua parakataha.
Tom·bimonganio dalbatgipa sokgipa, MP Tapir Gao, batanggimin sal aro somoirango nigalgipa Arunachal Pradesh-ni rama jal·angrang, relgari ramarang aro airport-rangko namdapatna gita ma·mong aro a·dok sorkari maikai kamrangko ka·engachim uni gimin aganangskaaha.
Assembly-ni Speaker, Tesam Pongte, Pongtu Kuh-ni salko manianiona re·bagipa sakantikon rimchaksoan baksana nama skaniko on·ataha.
Pongtu Kuh Festival, ian Tutsa jatrangni mongsonggipa maniani ong·a jekon bilsiantian April jani 11 tariko manironga. Ia salko manianio, manderang namgipa mi misi-rangna aro an·tangtangni ka·sagipa manderangni an·seng baljokanina bi·chakanirangko dakronga. Ia manianio, Tutsa jatni manderangni chrokmesaani aro dakmesokanirangkoba dakronga.
Na·simang ia video-koba nina man·gen:
Na·simang iakoba poraina man·gen: YouTuber sakgnini case-o songgrigrikani dongjawa: Timothy
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
