Itanagar, May 5: Arunachal Pradesh-ni Anjaw districtni ning·o donggipa Chaglagham biapni manderang, Hayuliang-Chaglagham ramako mija April 22 tarikoni chipataonin namen neng·nikaniko chagrongenga. Ia ramarang mikka jimbee waanichi kenchakanirang ong·engahani gimin Border Roads Organization (BRO) chipe donataha.
Chaglagham biapara Dalai chibimani rikamo dong•a jean 1,258 chugipa biap ong·a. Ia biap namen diltugipa biap ong·oba iagitan gipin districtrangonaba re·pakna nangtelaia. Songdongenggipa manderang aro sipairang jekai Indian Army aro Indo-Tibetan Border Policerangniba nappakna nangtelgipa biap ong·a.
Ia ramako tarina tangka-paisarangko chamahaoba cha·bokanirangchi ia chu·sokna man·jaha. Rama tarianio gisik nanggijani a·selo iako galchipe dona nangao ga·akaha aro uni a·selan ia ramarang nosto ong·rorona a·bachengaha jean ua jolo donggipa manderangna aro sipairangnaba namen neng·nikaniko on·beenga.
“Ia ramako chipani a·selo da·al chinga namen neng·nikaniko man·beenga. Nangchongmotgipa bosturangkomangba chinga man·jaengaha. Samra-sampilani sam mangmangkoba chinga man·jaengjok. Ian chinga ramram manderangnasan ong·aija indiba Sipairang gimikan ia neng·nikaniko man·enga. Unigimin chinga sorkariko aro BRO ni dilgiparangko iani bidingo ta·rake kam ka·china mol·molenga” ine ua jolni mande, Awailang Amalum aganaha.
Na·simang ia video-koba nina man·gen:
Na·simang iakoba poraina man·gen: HSSLC Arts porikkao EWKH 92.70%-ko man•e nambatgipa ong•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
