Itanagar, Nov 16: Budhbar salo, rika cho•ani kamko ka•e cha•enggipa sakgni manderangko NSCN(K-YA) dolni silchidare gnanggipa sakgittam manderang, Arunachal Pradesh-ni Longding a•jani Tisa chiring sepango uamangni dongchakram biaponiko rim•srukangaha.
Ia rim•sruka man•gipa manderangara, Uttar Pradesh-ni Shashank Yadav aro Nginu songoni Lemgaw Sowam ong•achim.
Kobor ra•timgiparangni aganani gita, uamang BTRF Project-ni Shatrughan Singh-ni ning•o kam ka•e cha•giparang ong•achim.
Indake, ia sakgni manderangko pringni 4-bajimango rim•srukangaha aro uamangko, Bolero Pickup truck-o Kunno Zero point-ona rimangaha. Unikoa, ia gariko Kunno-o donenba silchidare gnanggipa dolrang, Indo-Myanmar-ni sima-ariona re•angaha ine Police aganataha.
Iandakgipa rim•srukanirangko uamang tangka paisako dibina inenba dakronga aro iana skangba, Arunachal Pradesh-o apsandakgipa a•selrang ong•aha. Longding a•jao NSCN-KYA dolan, rika cho•ani kamko ka•e cha•giparangko aro contractor-rangko, tangka babie ra•na inenba rim•srukangronga ine Longding-o songdonggipa mande saksa aganaha.
Indake ong•engani gisepon, Longding a•ja gimiko, security forces-rang am•sandianiko a•bachengataha.
Iakoba poraie nina man·gen: Assam-ni Mariani jillao matchapeng mangsa kenjagokataniko on•anga
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
