Shillong, Jan 28: ASER 2024 report-o Meghalaya a•dokni songadam biaprango lekka pora skie ra•anirango namdapanirang baksana neng•nikanirang jekai a•bachenge skie ra•anio namgijani, skulo namgnirangko man•a chu•onggijani aro digital-ni gita changa sapanio komianiko mesoka.
Da•alo nakatatgipa ia ASER 2024 report India-o a•bachenge lekka pora skie ra•aniko dal•batgipa survey ka•ani ong•a. Ia Pratham-ni ka•gimin survey, songadam biaprango lekka porani bidingo mongsonggipa u•iatanirangko on•a baksana ki•tapko nie poraiani aro maths skie on•anina mongsongbate gisiko on•enga.
Iano adita namdapanirang donggenchim ong•oba, dal•drobaenggipa chatro chatrirangna neng•nikanirang dongkuenga. Bilsi 15-oni bilsi 16-ni bi•sarang mongsongbate me•chik bi•sarang skulo poraianiko dontongenba skulni bi•sarang namen komiroroangenga, jean uamangko skulo ru•utbate dona gita maiba cholko dakna nangchongmotaniko mesoka.
Report-ni gita ki•tapko nie poraianio namdapanirangko nikna gita man•aha. 2024 bilsio, sorkarini skulrango 31.1% mangni gita klas 3-o poraienggipa bisarang klas 2 ong•mitingon lekka nie poraina gita man•aha, jean dal•batgipa chu•sokaniko man•ani ong•a aro ian senggnang lekka nie poraianiko jotton ka•atani a•sel ong•a. Indake ong•engon, maths-o neng•nikanirang ong•kuenga, maina klas 5-o poraenggipa banggija bi•sarangsan division ba sualaniko ka•na gita man•aia, jekon uamang klas 3-o poraimitingon man•a gita nangahachim, indake ian maths skianiko namdapatna nangchongmotanikoba mesoka.
ASER 2024-ni mongsonggipa am•sandie man•aniara uan Meghalaya a•dokni songadam biaprango donggipa chadamberangni gisepo digital-ni gita u•i ma•siani tang•doaniko nikna gita man•ani ong•a, maina da•oni chasongo 95%-ni gita dongdangrangon smartphone jakkalgiparang ong•a. Smartphone jakkalgipa bang•bata chatro chatrirangan online skie ra•aniko dakna gita phone-rangko jakkaltoka. Indake ong•engon, bang•bata chatro chatrirangan naljokani niamrang jekai nanggijagipa number-rangko champengna ba rakgipa password-rangko dona gita changja ineba report-o mesoka.
Ia survey ka•anio skul-o on•gipa namgnirangni gimin brinbawegipa result-rangko mesoka. Jekai 92.6% skulrango mid-day meal ba salo mi song•chakna gita babilsirang gnang jean chatro chatrirangna be•en bimangko an•seng baljoke rakkina gita namgipa cha•a ringaniko man•a dakchaka.
65.6%-ni gita skulrang ringani chirangko man•giparang ong•a, indiba 10.7%-ni gitade chi man•gijagiparang ong•skaa. 23.%-ni gita chi donggiparangba survey ka•ani somoiode chirang dongtokja.
62.3% mangni gita skulrang jakkalna man•gipa paikanarang gnang, indiba 31•2%-ni gitade jakkalna man•gijagiparang aro 6.6%-ni gitade paikana donggijagiparang ong•skaa. Indake ong•engon, 46.7% mangni gita skulrangon me•chikrangna dingtangmancha paikanarangba dongtokja.
73% mangni gita skulrang library donggenchim ong•oba, unoniko 17.2% mangni gitasan chatro chatrirang ki•taprangko jakkalgiparang ong•aia. Mittam skulrang library donggenchim ong•oba lekka ki•taprangan jakkalgijagiparara ong•skaa.
96.7% mangni gita skulrangon chatro chatrirangna computer-rang dongja baksana 1.6% mangni gitasan computer jakkalgiparang ong•a ine survey ka•anio u•ina gita man•aha.
Skianio jakkalna nanggipa bosturang (TLM)ko man•ani aro uniform-rangni nambataniko nikna man•aniara on•gimin bosturangko name jakkalaniko mesoka.
Na·simang ia video-koba nina man·gen:
Na·simang iakoba poraina man·gen: TNT-ni niamko bilakbatatna KHNAM candidate ku•rachaka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
