Shillong, June 23: ASHA worker-rangni dabianirangko sorkari niatgen ine Health Minister AL Hek-ni ku·rachakaniko man·ahani gimin kam dontongate jingjengataniko Meghalaya a·dokni ASHA worker-rang, Budbar sal dipet dontongatpilaha.
Meghalaya a·doko accredited social health activist (ASHA)-rang, an·tangtangni man·gnirangko man·tokkujaengani gimin re·anggipa June 19 tarikonin kamtangtangko dontongate jingjengattokengachim ine nikna man·a.
Indake ong·engon, ASHA worker-rangni dabianirangko sorkari niatna ku·rachakahani gimin Budbar sal dipet uamangni jingjengatanirangko dontongatpilaha.
ASHA-ni dilgiparangko gronge agangrikangani ja·man kobor ra·timgiparangna talatangengon, ASHA worker-rangni man·gniko japrako gong 2000/-ona bariatgnok aro ASHA-rangni 2011 bilsioni 2018 bilsiona man·na nangenggipa benefit scheme-koba July jani gisepon on·tokgnok ine Budbar salo Health Minister parakataha.
July ja dipetde, ASHA-rangni dormaharang aro pilak man·gnirangkon uamangni account-rangona chipatgnok ineba Hek parakataha.
Ia sajinmani somoirango ASHA-rangna japrako gong 1000-ko National Health Mission (NHM)-ni gita on·angkugen ineba Health Minister parakataha.
