Shillong, Nov 15: Meghalaya a•doko Accredited Social Health Activist (ASHA) worker-rang, an•tangtangni man•gnirangko bariatchina dabie jingjengattokengon, a•songni gipin biaprangoba apsan daken ASHA worker-rangni jingjengatanirangko nikna gita man•aha.
Budbar salo, East Jaintia Hills a•jani ASHA worker-rang, Meghalaya ASHA Workers Union-ni bimingo Khliehriat-o an•tangtangni man•gnirangko bariatchina dabie jinma re•jomaniko ong•atangaha aro ia re•jomaniko Khliehriat-o donggipa Stand Byndihati-oni a•bachengate, DC office aro District Medical & Health Office gita re•jomange, SBI Khliehriat Branch-o matchotateaha.
Ia jinma tom•e re•jomaniko ong•atanio East Jaintia ASHA Association-ni president Pretty Jyrwa, jinmana aganprakengon, ASHA-rangna gong 5000/- ka•e dormaharangko on•aha ine a•kangani gimin a•dokni Health Minister Ampareen Lyngdoh-ko sing•doataha.
Da•o dipet a•dokni ASHA worker-rang japrako gong 2000/- dormahakosan man•enga indide Health Minister-ni a•kangenga gita gong 3000/- tangkarangara bachi gimaenga ineba ua sing•doangaha.
Indake ong•engon, Budbar salo Chennai songjinmaoba, ASHA worker-rang, an•tangtangni man•gnirangko bariatchina dabie sorkarini kosako jingjengatanirangko dakangaha.
Seventh Pay Commission-ni komibatgipa hajirako tik ka•gimin gita ASHA worker-rangna japrako gong 24,000 ka•e dormahako on•china gitaba Chennai songjinmani ASHA worker-rang dabiangaha.
Iakoba poraie nina man·gen: Churachandpur-o ITLF-ni gita dal•begipa re•jomaaniko daka
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
