Shillong, Jan 13: Shillong-ni Jawaharlal Nehru Stadium-o,  Asian Cup-na susana gita seoka man•gipa dolgnini kal•susaaniko March jao sokachakanggen.

Batanggimin salo, AFC Asian Cup-na susana seoka man•gipa dolrangoni India aro Bangladesh baksa susagrikaniko March 25 tariko sokachakenga ine koborko man•soaha, iani gisepon, India aro Maldives dol baksa March 19 ba 20 tariko apsan biapon susagrikaniko sokachakanggen ine Meghalaya Football Association parakataha.

All India Football Federation (AIFF)-ni president Kalyan Chaubey ia dolgni ko apsan stadium-o kal•susaatna gita proposal-ko on•aha jekon a•dok sorkari ba ra•chakaha ine Meghalaya Football Association (MFA)-ni president Hamletson Dohling jinmana parakataha.

Unbaksana, Asian Football Confederation (AFC)-ni official-rang, Jawaharlal Nehru Stadium-ko January 20 tariko nirokna re•bagen aro AFC-ni gita iako ra•chakahaon, ia dolgnini kal•susaaniko Shillong-on kal•atanggen ineba ua janapataha.

Ia kobor songjinmao giproroengon, football kal•susaaniko namnikgipa manderangna namgipa kobor ong•enga aro ia kal•susaaniko a•jatango kal•aniko nina gita uamang ka•oksie nisengsotokenga.

Na·simang ia video-koba nina man·gen:

Na·simang iakoba poraina man·gen: Assam-ni MP, niamgri koela cho•ani bidingo Skotong Minister-ni kosako ja•ku de•aniko dakchina didia

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub